اترپردیش: وہاٹس ایپ گروپ میں اشتعال انگیز میسج ڈالنے پر گروپ ایڈمن گرفتار

Source: S.O. News Service | By Shahid Mukhtesar | Published on 6th February 2018, 8:52 PM | ملکی خبریں | ان خبروں کو پڑھنا مت بھولئے |

کاس گنج ،06؍ فروری(ایس او نیوز؍آئی این ایس انڈیا)کاس گنج تشدد معاملے میں کارروائی کرتے ہوئے ایک وہاٹس ایپ گروپ چلانے والے ایڈمن کو گرفتار کر لیا ہے۔گرفتار شخص پر الزام ہے کہ وہ سوشل میڈیا پر قابل اعتراض ویڈیوز اور تصاویر ڈال کر لوگوں کو بھڑکا رہا تھا۔ضلع مجسٹریٹ آر پی سنگھ نے بتایاکہ ضلع میں فرقہ وارانہ تشدد کے بارے میں وہاٹس ایپ گروپ میں قابل اعتراض اور اشتعال انگیز میسج اور تصاویر ڈالنے کے الزام میں پولیس نے گروپ منتظم رام سنگھ اور گروپ رکن اجے گپتا کے خلاف دو گروہوں کے درمیان عصبیت پھیلانے سے متعلق تعزیرات ہند کی دفعات کے تحت گجڈڈوارا تھانے میں مقدمہ درج کیا ہے۔گروپ ایڈمن رام سنگھ کو گرفتار کر لیا گیا ہے جبکہ گپتا فرار ہے۔پولیس انتظامیہ کو اطلاع ملی تھی کہ فرقہ وارانہ تشدد کے بارے میں وہاٹس ایپ گروپ پر کچھ لوگ اشتعال انگیز ویڈیوز اور تصاویر پوسٹ کر رہے ہیں۔پولیس نے معاملے میں کارروائی کرتے ہوئے گروپ کے منتظم رام سنگھ کوگرفتارکرلیا۔گروپ کے ایک رکن اجے گپتا کی تلاش کی جا رہی ہے۔دونوں ملزم کاس گنج کے گجڈڈوارا علاقے کے رہنے والے بتائے جا رہے ہیں۔گجڈڈوارا علاقے میں کچھ لوگوں نے ایک مذہبی مقام کے گیٹ پر آگ لگا دی۔آگ وقت پر ہی بجھا دی گئی اور لاپرواہی برتنے کے الزام میں دو سپاہیوں کے خلاف کارروائی بھی کی گئی تھی۔اس معاملے میں نامعلوم افراد کے خلاف ایف آئی آر درج کی گئی تھی۔واضح ر ہے کہ 26 جنوری کو یوم جمہوریہ کے دن کاس گنج میں ترنگا ریلی نکالنے کے دوران دونوں فریقوں کے درمیان تشدد پیدا ہواتھاجس میں چندن گپتا(22)نام کے ایک نوجوان کی گولی لگنے سے موت ہو گئی تھی۔ نوجوان کے قتل کے بعد سے کاس گنج میں تشدد اور آگ زنی شروع ہو گئی تھی۔

ایک نظر اس پر بھی

سیلاب متاثرہ کیرالہ کی مدد کے لیے اکھلیش یادونے کی جذباتی اپیل 

کیرالہ اب صدی کی سب سے بڑی تباہی کا شکار ہے۔گزشتہ 100 سالوں میں کیرل نے ایسی تباہی نہیں دیکھی تھی، جس کی مار ابھی وہ جھیل رہا ہے۔ سیلاب سے تباہ کیرالہ اور وہاں کے لوگوں کے لئے چاروں طرف سے مدد کے ہاتھ اٹھ رہے ہیں۔

مظفر پورشیلٹرہوم: منجو ورماکے خلاف آرمس ایکٹ کے تحت مقدمہ درج

مظفر پورشیلٹرہوم جنسی تشدد معاملے میں بہار کی سابق سماجی فلاح وبہبودکی وزیر منجو ورما کی رہائش گاہ پر ہوئے سی بی آئی کے چھاپے کے دوران 50کارتوس ملنے کے بعد ورما اور ان کے شوہر کے خلاف ایف آئی آر درج کر لی گئی ہے۔

مڈکیری میں سیلاب سے متاثرہ علاقہ کے دورہ کے وقت ہی زمین کھسک گئی؛ ایم پی اور ایس پی بال بال بچ گئے

ضلع کورگ کے مڈکیری عرف مرکیرہ کے رکن اسمبلی اپاجو رنجن کے  بارش سے متاثرہ علاقوں کا  دورہ کرنے کے موقع پر اچانک زمین کھسکنے کی واردات پیش آئی ہے، بتایا گیاہے کہ ان کے ہمراہ ضلع کورگ کی ایس پی ڈاکٹڑ سومنا پنّیکر بھی موجود تھی۔

نابالغ 5 سال کی بھتیجی کے ساتھ چچا نے کیا ریپ ، قتل کرکے جنگل میں پھینکا

مدھیہ پردیش کے رائے سین ضلع میں نابالغ سے ریپ کا ایسا معاملہ سامنے آیا ہے ۔ جس میں ایک چچا نے چاچا ۔ بھتیجی کے رشتے کو شرمسار کر دیا ہے۔ چاچا نے پانچ سال کی بھتیجی کے ساتھ ریپ کرکے اس کا قتل کرکے اسے جنگل میں پھینک دیا۔