بی ایم ٹی سی بسوں میں سی این جی استعمال کرنے محکمہ کی ہدایت، بنگلوروشہر کے مختلف علاقوں میں ریفلنگ مراکز قائم

Source: S.O. News Service | By Shahid Mukhtesar | Published on 9th October 2017, 11:09 AM | ریاستی خبریں |

بنگلورو،8/اکتوبر(ایس او نیوز)ریاستی حکومت نے بنگلور میٹرو پالیٹین ٹرانسپورٹ کارپوریشن( بی ایم ٹی سی) کو ہدایت دی ہے کہ ایندھن کے طور پر بسوں میں سی این جی کا استعمال شروع کریں تاکہ اس کا پتہ چل سکے کہ اس کا استعمال ہماریکس قدر سود مند ہے، ذرائع سے موصولہ اطلاع کے مطابق محکمہ ٹرانسپورٹ نے بی ایم ٹی سی کو ہدایت جاری کی ہے کہ سی این جی بسوں کا استعمال شروع کی جائے، غور طلب بات یہ ہے کہ ماہرین نے بی ایم ٹی سی کو مشورہ دیا ہے کہ بسوں میں ایندھن کے لئے سی این جی کا استعمال کرنے سے محکمہ کو فائدہ ہوگا، ڈیزل کے مقابلے سی این جی سستا ہے، دوسال قبل بی ایم ٹی سی کی جانب سے محکمہ ٹرانسپورٹ کو ایک رپورٹ پیش کی گئی تھی، جس میں اس کی سفارش کی گئی تھی کہ بی ایم ٹی سی بسوں میں اگر ڈیزل کی جگہ سی این جی کا استعمال ہوتو اس سے محکمہ کو بہت زیادہ فائدے ہوں گے۔جی اے آئی ایل گیس لمیٹیڈ نامی کمپنی نے اس کے لئے ذمہ داری قبول کرلی ہے، اس کے لئے سی این جی سپلائی کے لئے انفراسٹرکچر بھی تیار کرلیا گیا ہے، بنگلورو شہری اور بنگلور دیہی اضلاع کے لئے گیس پائپ بھی بچھا دیا گیا ہے، کمپنی کا دعویٰ ہے کہ سی این جی کے استعمال سے نہ صرف محکمہ کو فائدہ ہوگا بلکہ اس سے ماحولیات آلودہ ہونے سے بچ جائے گا، چونکہ اس وقت گاڑیوں کے دھواں سے نہ صرف فضائی آلودگی پھیل رہی ہے، بلکہ صورتی آلودگی میں بھی مسلسل اضافہ ہورہا ہے، اس لئے شہر میں ماحولیات کو بنائے رکھنے کے لئے بہت ہی ضروری ہے کہ اس جانب خصوصی توجہ دئے جائیں، جی اے آئی ایل گیس کمپنی کے مطابق بی ایم ٹی سی بسوں میں سی این جی کی ریفلنگ کے لئے شہر میں کئی مراکز بنائے گئے ہیں، ماگڑی روڈ میں واقع بیگرس کالونی، سمنہلی، پنیا اور ہنور علاقے ان میں شامل ہیں۔محکمہ ٹرانسپورٹ کے سکریٹری بی بسوراجو نے سی این جی کے بارے میں بتایا کہ بی ایم ٹی سی کی سفارش پر ہی محکمہ نے ہدایت جاری کی ہے کہ اس پر فوری عمل کیا جائے۔چونکہ جب تک عملی طور پر اس کام کو انجام نہیں دیا جائے گا، اس وقت تک اس کا نتیجہ ہمارے سامنے نہیں ہوگا، انہوں نے بتایا کہ محکمہ سے جاری ہدایت پر عمل آوری ہوگی، اس کے نتائج آنے کے بعد ہی حتمی فیصلہ لیا جاسکے گا کہ بی ایم ٹی سی بسوں میں سی این جی کا استعمال محکمہ کے لئے کس قدر سود مند ہے۔

ایک نظر اس پر بھی

کمار سوامی کی آنسو پر سیاست جاری، کانگریس نے ایسا کچھ نہیں کیا کہ کمار سوامی کو آنسو بہانا پڑے:کرشنا بائرے گوڈا

وزیر اعلیٰ ایچ ڈی کمار سوامی کی طرف سے ایک جلسۂ عام میں آنسو بہانے کے معاملے پر سیاست رکنے کا نام نہیں لے رہی ہے۔آج ریاستی وزیر برائے دیہی ترقیات کرشنا بائرے گوڈا نے وزیر اعلیٰ کی اس حرکت پر ردعمل ظاہر کرتے ہوئے کہا کہ وزیراعلیٰ کمار سوامی کو آنسو بہانے کی نوبت آئے اس کے لئے ...

فطری اعتبار سے میں جذباتی ہوں : کمار سوامی

وزیر اعلیٰ ایچ ڈی کمار سوامی نے کہا ہے کہ سرکاری فیصلے لینے میں وہ جتنے سخت ہیں کسی کا دکھ دیکھنے پر وہ اتنے ہی جذباتی ہوجاتے ہیں۔ آج دہلی میں اخبار ی نمائندوں سے بات چیت کرتے ہوئے کمار سوامی نے کہاکہ ان کی فطرت جذباتی ہے اس کے لئے وہ کچھ نہیں کرسکتے۔ ریاستی عوام کی مشکلات ان سے ...

شہر میں عازمین حج کے لئے یک روزہ تربیتی کیمپ کا اہتمام، سفر حج میں رضائے الہٰی کو مقدم رکھیں: روشن بیگ

ریاستی حج کمیٹی کے ذریعے امسال سفر حج بیت اﷲ پر روانہ ہونے والے عازمین حج کے لئے آج بنگلور پیالیس کے ٹینس پویلین میں یک روزہ حج تربیتی کیمپ کا اہتمام کیاگیا۔رکن اسمبلی اور ریاستی حج کمیٹی کے چیرمین جناب روشن بیگ نے اس موقع پر عازمین حج سے مخاطب ہوکر انہیں سفر حج بیت اﷲ پر ...

مفت بس پاس کی فراہمی کا فیصلہ جلد: وزیر تعلیمات، تعلیمی مافیا ملک کے تعلیمی نظام پر حاوی : روشن بیگ

ریاستی وزیر برائے بنیادی وثانوی تعلیمات این مہیش نے اعلان کیا ہے کہ طلبا کو مفت بس پاسوں کی فراہمی کے لئے محکمۂ تعلیمات کی طرف سے 25 فیصد رقم فراہم کی جائے گی۔آج وسنت نگر میں محکمۂ تعلیمات بنگلور ضلعی انتظامیہ اور روٹری بنگلور آرکٹ کی جانب سے سرکاری کنڑا اور تمل اسکول کی نئی ...

وزیراعلیٰ خوش رہیں تو عوام بھی خوش رہیں گے: ڈی کے شیوکمار

ریاستی و زیر برائے آبی وسائل ڈی کے شیوکمار نے کہاہے کہ وزیراعلیٰ اگر خوش رہے تو ریاست بھی خوش رہے گی۔اسی لئے سب کو یہ کوشش کرنی چاہئے کہ وزیر اعلیٰ کو خوش رکھیں اور ریاست کا انتظامیہ چلانے میں ان کا ساتھ دیں۔ وزیر اعلیٰ کمارسوامی کی طرف سے آنسوبہائے جانے پر اپنا ردعمل ظاہر کرتے ...

انا بھاگیہ اسکیم کے تحت چاول کی مقدار میں کمی نہیں ہوگی: ضمیر احمد

ریاستی وزیر برائے شہری رسد وخوراک اور اقلیتی بہبود ضمیر احمد خان نے کہا ہے کہ انا بھاگیہ اسکیم کے تحت خط افلا س سے نیچے زندگی بسر کرنے والے خاندانوں کو سات کلو چاول کی فراہمی کا سلسلہ برقرار رہے گا۔ اخباری نمائندوں سے بات چیت کرتے ہوئے انہوں نے کہاکہ ریاستی انتظامیہ میں کسی بھی ...