ریاستی حکومت 33نئے تعلقہ جات قائم کرنے کوشاں:کاگوڈتمپا

Source: S.O. News Service | By Shahid Mukhtesar | Published on 10th January 2017, 11:37 AM | ریاستی خبریں | ان خبروں کو پڑھنا مت بھولئے |

بنگلورو،9؍جنوری(ایس او نیوز) ریاستی حکومت نے ریاست میں 33نئے تعلقہ جات قائم کرنے کا منصوبہ بنایا ہے۔ وزیراعلیٰ سدرامیا کی طرف سے امکان ہے کہ اگلے بجٹ میں ا ن نئے تعلقہ جات کا اعلان کردیا جائے گا۔وزیر مالگذاری کاگوڈ تمپا نے یہ بات بتائی۔انہوں نے کہاکہ نئے تعلقہ جات کی تشکیل کا معاملہ کافی عرصہ سے زیر التواء تھا۔ اگلے بجٹ میں وزیر اعلیٰ سدرامیا نے ان نئے تعلقہ جات کا اعلان کردینے کا تیقن دیا ہے۔ اخباری نمائندوں سے با ت چیت کرتے ہوئے انہوں نے کہاکہ ہر تعلقہ میں بنیادی انفرااسٹرکچر قائم کرنے کیلئے سو کروڑ روپیوں کی رقم صرف کی جائے گی۔ نئے تعلقہ جات کی تشکیل سے ریاستی خزانے پر 3300 کروڑ روپیوں کا افزود بوجھ پڑے گا۔ انہوں نے کہاکہ ریاست بھر میں خشک سالی سے متاثرہ علاقوں میں پینے کے پانی کی فوراً فراہمی کیلئے 350 کروڑ روپے جاری کئے جاچکے ہیں۔ ریاست میں خشک سالی سے متاثرہ علاقوں کا معائنہ کرنے کیلئے چار الگ الگ ٹیموں نے دورہ کیا ، ان چاروں ٹیموں کی طرف سے ابھی رپورٹ موصول نہیں ہوئی ہے، کل ریاستی کابینہ کی ذیلی کمیٹی میں ان رپورٹوں پر بحث ممکن ہے۔ کل کی میٹنگ میں خشک سالی سے نمٹنے کیلئے مرکزی حکومت کی طرف سے جاری کی گئی 1700 کروڑ روپیوں کی امداد کو صرف کرنے اور دیگر امور پر تفصیلی بات چیت کی جائے گی۔

ایک نظر اس پر بھی

ہاؤزنگ بورڈ کی طرف سے کنگیری میں فلاٹس کی عمارتیں تیار،مناسب قیمتوں پر انہیں عوام میں فروخت کیاجائے گا: کرشنپا

ریاستی وزیر ہاؤزنگ ایم کرشنپا نے کہاکہ کرناٹکا ہاؤزنگ بورڈ کی طرف سے کنگیری سوریہ نگر، اور بنڈے مٹھ علاقوں میں جدید ترین مکانات کی تعمیر کی جا ئے گی اور انہیں سبسیڈی قیمتوں پر فروخت کیا جائے گا۔

کیفے کافی ڈے پر چھاپوں کے بارے میں سدرامیا خاموش

سابق وزیر اعلیٰ اور بی جے پی لیڈر ایس ایم کرشنا کے داماد سدھارتھ کے مکان اور ان کے کیفے کافی ڈے آؤٹ لیٹ پر انکم ٹیکس محکمہ نے جو چھاپے مارے ان کے متعلق وزیراعلیٰ سدرامیا نے کچھ بھی کہنے سے انکار کردیا۔

ایس ایم کرشنا کو ڈرانے انکم ٹیکس چھاپے مارے گئے: ریونا

ریاستی وزیر ٹرانسپورٹ ایچ ایم ریونا نے سابق وزیر اعلیٰ ایس ایم کرشنا کے داماد سدھارتھ کی رہائش گاہ اور ان کی کمپنی کیفے کافی ڈے پر انکم ٹیکس کے چھاپوں کو ایس ایم کرشنا پر دباؤ ڈالنے بی جے پی کی کوششوں سے تعبیر کیا،

نجی اسپتالوں پر گرفت مضبوط کرنے کیلئے قانون،لیجسلیچر کاخصوصی اجلاس طلب کرنے پر غور

وزیر صحت کے آر رمیش کمار نے کہاکہ نجی اسپتالوں پر گرفت مضبوط کرنے کیلئے جو مسودۂ قانون تیار کیا گیاہے، اسے منظور کرانے کیلئے اکتوبر میں ریاستی لیجسلیچر کا خصوصی اجلاس طلب کئے جانے کا امکان ہے،

بھٹکل میونسپالٹی عمارت پر پتھرائو کے معاملے میں بی جے پی کارکنوں کی گرفتاری پر ناراضگی؛ کل سنیچر صبح نکالی جائے گی ریلی

 بھٹکل ٹائون میونسپالٹی عمارت پر پتھرائو اور توڑپھوڑ کے معاملے میں بی جے پی کارکنوں اور لیڈروں کی گرفتاری پر ناراض بھٹکل بی جے پی  نے کل سنیچر کو شرالی سے بھٹکل تحصیلدار دفتر تک ایک خاموش احتجاجی ریلی نکالنے کا فیصلہ کیا ہے۔

بهٹکل مسلم جماعت قطر کے لئے عہدیداران کا انتخاب؛ مولانا محمد یحیٰ برماور ندوی صدر اور زُبیر خلیفہ سکریٹری منتخب

کل جمعرات 21 ستمبر رات 10 بجے جناب محمد يحیٰ  برماور ندوی صاحب کی رہائش گاہ پر بهٹکل مسلم جماعت قطر کی پہلی انتظامیہ کی میٹنگ منعقد ہوئی جس میں 1439 - 1440 کیلئے  مولانا محمد یحیٰ برماور ندوی صدر اور جناب محمد زبیر خلیفہ سکریٹری منتخب ہوئے۔

مسلم دوست کے ساتھ چائے کی چسکیاں لینے پر بی جے پی لیڈر نے تمانچے رسید کئے

ایک ویڈیو جو وائیرل ہورہا ہے جس میں بی جے پی ویمن وینگ علی گڑ کی لیڈر سنگیتا وارشانی بتایاجارہا ہے کہ ایک لڑکی کو تمانچے رسید کررہے ہیں جس کا تعلق ہندوکمیونٹی سے ہے اور وہ سوال پوچھ رہی ہے لڑکی کے مسلم دوست سے رشتہ کے متعلق۔

بھٹکل میونسپالٹی عمارت پر پتھرائو کا معاملہ؛ گیارہ گرفتار شدگان کو ملی ضمانت

 14 ستمبر کو بھٹکل میونسپالٹی عمارت پر ہوئے پتھرائو اور پولس عملے پر حملے کے بعد پولس نے اب تک جن 15 لوگوں کو گرفتار کیا تھا، اُس میں سے 11 لوگوں کی ضمانت آج جمعرات کو بھٹکل جوڈیشیل میجسٹریٹ فرسٹ کلاس عدالت نے  منظوری دے دی ہے۔

بھٹکل میونسپالٹی عمارت پر توڑ پھوڑ کا معاملہ؛ سنگھ پریوار کے کارکنوں کی گرفتاری کے خلاف انکولہ میں احتجاج۔ بھٹکل چلو ریالی کا اعلان

بھٹکل میں بلدیہ عمارت پر حملے کے بعد توڑ پھوڑ اور سرکای عمارت کو نقصان پہنچانے کے الزام میں جہاں ایک طرف پولیس متعلقہ افراد کو گرفتار کررہی ہے، وہیں پر ضلع کے مختلف مقامات پر اسے ہندو مسلم تفرقہ کا رنگ دیتے ہوئے پولیس پر الزام لگایا جارہا ہے کہ وہ بلاوجہ ہندوؤں کو ہراساں کررہی ...