ضرورت والے مقامات پر سرکاری اسکول قائم کئے جائیں گے۔ تنویر سیٹھ

Source: S.O. News Service | By Shahid Mukhtesar | Published on 22nd February 2018, 10:42 AM | ریاستی خبریں |

بنگلورو،21؍؍فروری(ایس او نیوز) ریاستی وزیر برائے پرائمری وسکینڈری تعلیم تنویر سیٹھ نے آج ریاستی اسمبلی کو بتایا کہ ریاست میں جن مقامات پر بھی سرکاری اسکولوں اور کالجوں کی ضرورت ہے وہاں قائم کئے جائیں گے ۔ جن مقامات پر اسکولوں اور کالجوں کی اشد ضرورت رہیہے وہاں ہنگامی طورپر اسکولس اور کالجس قائم کئے جائیں گے۔ ایوان میں صفر ساعت کے دوران کانگریس کے ایس ٹی سوم شیکھر کے سوال کا جواب دیتے ہوئے وزیر موصوف نے بتایا کہ ریاست کے27 ہوبلیوں میں پی یو سی کالجس نہیں ہیں۔ ان ہوبلیوں میں فوری پی یو کالجوں کو شروع کرنے کی ضرورت ہے۔ انہوں نے بتایا کہ یشونت پور اسمبلی حلقہ کے کنگیری اور تاورکیرے میں سرکاری کالجس نہیں ہیں لیکن اس حلقہ کے دوڈیری میں سرکاری کالج ہے ، یہاں صرف37طلبا زیر تعلیم ہیں۔ آئندہ کنگیری میں داخلہ لینے والے طلباء کی تعداد کا جائزہ لیکر کنگیری اور تاوریکیرے میں نئے پی یو کالجس شروع کرنے کا انہوں نے ایوان کو تیقن دیاہے۔

نئے اسکولوں کو امداد: ہیبال کے بی جے پی ایم ایل اے وائی وی نارائن سوامی کے ایک سوال پر جواب دیتے ہوئے تنویر سیٹھ نے بتایا کہ جن نئے اسکولوں کو سرکاری امداد جاری کرنے فہرست تیار کی گئی ہے۔اس پر عمل کرنے کے لئے تنخواہوں کے لئے5600کروڑ روپئے درکار ہیں اس کا دوبارہ جائزہ لینے کے لئے حکومت ایک اعلیٰ سطحی کمیٹی تشکیل دے گی۔ انہوں نے کہا کہ نئے اسکولوں کو امدادی فہرست میں شامل کرنے ان اسکولوں کے اسٹاف کو تنخواہ دینے ایک بڑی رقم درکار ہے۔ پچھلی بی جے پی حکومت کے دور میں یہ تجویز آئی تھی لیکن بی جے پی حکومت نے اس کو التوامیں رکھ دیاتھا۔ انہوں نے بتایا کہ ہم نے متعلقہ کمیٹی کی رپورٹ حاصل کرکے ریاستی قانون ساز کونسل میں پیش کی ہے۔ اس ضمن میں کمیٹی نے جو سفارش کی ہے اس کے تحت5600کروڑ روپئے تنخواہوں کے لئے مختص کرنا آسان کام نہیں ہے۔ اس کااز سرنو جائزہ لینے کے لئے میں اور وزیر برائے اعلیٰ تعلیم بسواراج رائے ریڈی نے اعلیٰ سطحی کمیٹی تشکیل دی ہے۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔