صدارتی انتخابات:گوپال کرشن گاندھی نے کہا کہ میری امیدواری پر بات کرنا جلدبازی ہوگی
نئی دہلی، 16؍جون(ایس او نیوز؍آئی این ایس انڈیا )صدارتی انتخابات کو لے کر اپوزیشن میں بی جے پی کے خلاف گوپال کرشن گاندھی کو اتارنے کی باتیں سامنے آ رہی تھی،لیکن جب ان سے اس بارے میں پوچھا گیا تو انہوں نے کہا کہ صدارتی انتخابات کے لیے ان کی امیدواری کے بارے میں کہنا کچھ کہنا ممکن نہیں ہے،اس پر بات کرنا ابھی جلدبازی ہوگی۔جب ان سے انتخابات کے لیے امیدواری کو لے کر ان کے منصوبہ کے بارے میں پوچھا گیا تو انہوں نے کہا کہ وہ ابھی کوئی رد عمل نہیں دینا چاہتا ہے۔انہوں نے کہا کہ اس بارے میں بات کرنا ابھی جلدبازی ہوگی، میں ابھی اس کے لیے تیار نہیں ہوں۔غورطلب ہے کہ صدراتی امیدوار کو لے کر اپوزیشن پارٹیوں میں دو ناموں پر اتفاق رائے بن رہا تھا ، جس میں گوپال کرشن گاندھی کا نام سب سے آگے ہے ۔اس کے علاوہ سابق لوک سبھا اسپیکر میرا کمار کے نام پر بھی بحث ہے۔اس بابت کانگریس صدر سونیا گاندھی اور سی پی ایم کے جنرل سکریٹری سیتا رام یچوری نے گوپال کرشن گاندھی سے بات بھی کی ہے۔ممتا بنرجی نے بھی گوپال کرشن گاندھی کو صدارتی امیدوار بنائے جانے کے حق میں ہیں۔گوپال کرشن گاندھی نے یہ بتایا کہ اپوزیشن کے رہنما ؤں نے ان کو صدارتی انتخابات میں امیدوار بنانے کو لے کر بحث بھی کی ہے۔واضح رہے کہ اس سے پہلے قبل 2012میں ترنمول کانگریس اور مغربی بنگال کی وزیر اعلی ممتا بنرجی نے نائب صدر کے الیکشن لڑنے کی تجویز دی تھی ، لیکن انہوں نے اس کو ٹھکرا دیا تھا۔