گوکرن :21/اپریل (ایس او نیوز)گوکرن ، جٹایو تیرتھ سمندر ساحل پر مٹی کا ٹیلہ کھسکنے سے ایک مزدور ہلاک اور دو شدید زخمی ہونےکا واقعہ پیش آیا ہے۔

مہلوک کی شناخت پرکاش وینکٹ رمن گوڈ (35)بتائی گئی ہے۔شدید زخمی مزدوررگھو رام شکرو گوڈا(30) اور بھئیرو سومیا گوڈا(45) ہوناور اسپتال میں زیر علاج ہیں۔ گوکرن گرام پنچایت حدود کے جٹایو تیرتھ ساحل پر انکولہ تعلقہ ہیگرے کے کل 7مزدور کام پر تھے، ساحلِ سمندر ایک نجی ملکیت والی زمین پر مزدور جب پچنگ کے کام میں مصروف تھے تو مٹی کا ٹیلہ اچانک کھسک جانےسے تین مزدور وہیں پھنس گئے جن میں ایک ہلاک اور دو شدید زخمی ہونے کا حادثہ پیش آنے کی بات کہی جارہی ہے۔ معاملے کو لے کر گوکرن پولس تھانے میں کیس درج کرلیا گیا ہے۔