گوکرن:23/ اکتوبر (ایس اؤنیوز)یہاں اوم بیچ روڈ کے ایک بہت ہی پیچیدہ گھماؤ پر انوا کار سامنے آرہی کار کو سائڈ دینے کے دوران سڑک سے 50فٹ دور 3مرتبہ پلٹی کھا کر گرنےکا واقعہ پیش آیا ہے۔ کار میں موجود تمل ناڈو کے ڈرائیورسمیت 7مسافر معمولی چوٹ سے جان عافیت پائے ہیں، مسافروں میں سے ایک شدید زخمی ہونےکی وجہ سے زائد علاج کے لئے کمٹہ اسپتال روانہ کیا گیا ہے۔
بنگلورو سے کرایہ کی کار لے کر گوا نکلے تمل ناڈو کے سیاح سفر کے دوران اوم بیچ کا نظارہ کرنے نکلے تو یہ حادثہ پیش آیاہے۔ کار کی رفتار سے اندرونی نالی کاکٹا ٹوٹ گیا ہے اور کار ایک بڑے ٹیلے سے ٹکرانے کے نتیجے میں کار کو شدید نقصان پہنچاہے۔ کار میں موجود تین خواتین سمیت تمام کو معمولی چو ٹیں آئی ہیں، حادثے میں کوئی جانی نقصان نہیں ہواہے۔
گوکرن کے اوم بیچ کی سڑک پر کل 16حادثاتی گھماؤ ہیں۔ حالیہ دنوں میں تیز رفتار کار ڈرائیو کرنے سے بھی کئی حادثے ہورہے ہیں۔ سیاحوں نے سفری تکالیف کو دیکھتے ہوئے متعلقہ محکمہ سے گوکرن کے شہری روڈ کی توسیع کے ساتھ اوم بیچ روڈ کو وسیع کرنے کی مانگ کی ہے۔ جائے حادثہ کا پی ایس آئی سنتوش نے معائنہ کرنے کے بعد کیس درج کرلیا ہے۔