گوکرن :6/ اکتوبر (ایس اؤنیوز) موجودہ دور میں کسی اور پر منحصر ہونےکے بجائے خودپر انحصار ہونا بہت ضروری ہے، آج کے حالات میں عوام کو شہری سطح پر سفری سہولیات فراہم کرنےمیں آٹو رکشا ایک اہم ذریعہ ماناجاتاہےدن بدن آٹوڈرائیوروں کی مانگ بھی زیادہ ہورہی ہے، ان مواقع کا بہترین فائدہ اٹھاتے ہوئے عورتیں بھی آٹو ڈرائیور کی ٹریننگ حاصل کرکے خود انحصار کی زندگی گزار سکتی ہیں۔ ان خیالات کااظہار گوکرن روٹری کلب کی صدر بھارتی دیوتے نےکیا۔
وہ یہاں والمیکی جینتی کے موقع پر دھرمستھل دیہی ترقی منصوبہ میں سے ایک مہیلا گینان وکاس پروگرام کے تحت جمعرات کو خواتین کے لئے آٹو ڈرائیونگ ٹریننگ کا افتتاح کرنے کے بعد خطاب کررہی تھیں۔گرام پنچایت کی سابق صدر سومنا گوڈا نے پروگرام کی صدارت کرتے ہوئے کہاکہ آج عورتیں ہرمیدان میں اپنی مہارت سے آگے آرہی ہیں، خاص کر گوکرن میں عورتوں کی قسمت چمکی ہے کہ انہیں آٹو ڈرائیور بننے کی ٹریننگ دی جارہی ہے۔ وریریندرہیگڈے کے دیہی ترقی منصوبہ جات کی طرف سے دستیاب یہ اہم کام ہونے جارہاہے۔ آٹو ڈرائیونگ کی ٹرینر گرام نپچایت کی سابق ممبر شاردا جٹو گوڈا نے آٹوڈرائیونگ میں پیشگی طورپر لئے جانےو الے اہم کاموں اور اقدامات کی جانکاری دی ۔
ڈائس پر گوکرن کے سنچالک نارائن پالنکر نے افتتاحی کلمات پیش کئے ۔ شالنی نارویکر اور پروگرام کی منتظمہ چترا گوڈا اور دیگر ممبران نے بہترین انداز میں پروگرام کا انعقاد کیا۔ لتا نائک نےاستقبال اور نظامت کے فرائض انجام دیں۔ فی الحال 8عورتوں نے آٹوڈرائیونگ سیکھنے کا ارادہ ظاہرکیا ہے۔ تعلقہ میں پہلی مرتبہ خواتین کے لئے منعقدہ آٹو ڈرائیونگ ٹریننگ میں خواتین کو آٹو ڈرائیونگ کے متعلق تفصیلی جانکاری دی گئی۔