عالمی اقتصادی ترقی کا سرچشمہ بن گئی ہے ہندوستانی معیشت: بی جے پی
نئی دہلی ، 19 اگست (ایس او نیوز؍ یو این آئی) بھارتیہ جنتا پارٹی (بی جے پی) نے کانگریس پر آج الزام لگایا کہ اس کی قیادت والی ترقی پسند اتحاد حکومت نے بھاری قرض، مہنگائی کی اونچی شرح اور پالیسی کی ناکامی کے حالات تیار کرکے ملک کی اقتصادیات کو دنیا کی پانچ سب سے زیادہ غیر مستحکم معیشتوں میں سے ایک بنا دیا تھا جو مودی حکومت کی محنت کی وجہ سے آج دنیا کی اقتصادی ترقی کا سرچشمہ بن کر ابھری ہے۔
بی جے پی کے ترجمان ڈاکٹر سنبت پاترا نے آج یہاں پریس کانفرنس میں کہا کہ کانگریس کے پاس عوام کو بتانے کے لئے کچھ نہیں بچا ہے، اس لئے اس کے لیڈر پرانے دنوں کو یاد کر رہے ہیں۔
بڑی معیشت کے عدم استحکام کا سبب مہنگائی کی شرح کا آسمان پر پہنچنا اور پالیسیوں کی ناکامی بنی اور عالمی بینک نے ہندوستان کو دنیا کی پانچ سب سے زیادہ غیر مستحکم معیشتوں میں سے ایک کے طور پر شمار کیا۔