جرمنوں کی نظر میں ٹرمپ شمالی کوریا اور روس سے زیادہ بڑا خطرہ

Source: S.O. News Service | By Shahid Mukhtesar | Published on 5th December 2017, 9:03 PM | عالمی خبریں |

برلن 5دسمبر (ایس او نیوز؍آئی این ایس انڈیا)ایک تازہ سروے میں بتایا گیا ہے کہ جرمن شہری ملکی خارجہ پالیسی کے لیے امریکی صدر ڈونلڈ ٹرمپ کو شمالی کوریا، روس اور ترکی سے زیادہ بڑا خطرہ سمجھتے ہیں۔ کیوربر فاؤنڈیشن کے تحت کرائے گئے اس سروے میں جرمن خارجہ پالیسی کے لیے چینلجز کے بارے میں جرمن عوام سے رائے لی گئی ہے۔ اس فہرست میں جرمن باشندوں نے مہاجرین کے بحران کی وجہ سے لاحق تشویش کو ملک کے لیے سب سے بڑا مسئلہ قرار دیا۔ سروے کے مطابق 26 فیصد جرمن باشندوں نے سیاسی پناہ کے درخواست گزاروں کی اتنی بڑی تعداد کی ملک میں موجودگی اور اس مسئلے سے نمٹنے کے لیے ملکی صلاحیت کی بابت خدشات کا اظہار کیا۔انہوں نے پوٹن کو ٹرمپ سے بہتر اور اپنے اپنے ملک کے لیے مفید سمجھا ہے ۔ امریکا اور امریکی صدر ٹرمپ اس فہرست میں دوسرے نمبر پر نمایاں ترین موضوع رہا، جس کی بابت 19 فیصد جرمن باشندوں نے اپنے خدشات ظاہر کیے۔ 17 فیصد باشندوں نے ترکی اور فقط دس فیصد جرمنوں نے شمالی کوریا کو خطرہ قرار دیا جب کہ روس کو ملک کے لیے خطرہ سمجھنے والے جرمن باشندوں کی تعداد صرف آٹھ فیصد تھی ۔جنوری میں امریکی صدر کا عہدہ سنبھالنے کے بعد ڈونلڈ ٹرمپ نے ایک طرف تو پیرس ماحولیاتی معاہدے سے امریکا کے انخلا کا علان کر کے جرمنی میں تشویش کی لہر دوڑا دی اور ساتھ ہی ایران کے جوہری پروگرام کی توثیق سے متعلق متعدد متنازعہ بیانات پر بھی جرمنی میں کئی طرح کے خدشات پیدا ہوئے ہیں۔ امریکی صدر ٹرمپ نے جرمنی کی تجارتی پالیسیوں اور نیٹو اتحاد کے لیے برلن حکومت کی کم مالی معاونت پر بھی تنقیدکی تھی۔ دونوں ممالک کے درمیان ان تمام موضوعات پر اختلافات پائے جاتے ہیں۔اسی تناظر میں جرمن چانسلر انگیلا میرکل، جو عموما انتہائی محتاط انداز سے بیانات دیتی ہیں، کو یہ تو کہنے پر مجبور کر دیا کہ برلن حکومستقبل میں امریکا پر انحصار نہیں کر پائے گی۔ جرمن چانسلر کہہ چکی ہیں کہ یورپ کو اپنا مقدر خود اپنے ہاتھ میں لینا ہو گا۔اکتوبر میں کرائے گئے اس سروے میں ایک ہزار پانچ بالغ جرمن شہریوں سے رائی لی گئی۔ اس سروے میں قریب 56 فیصد جرمن باشندوں نے امریکا کے ساتھ تعلقات کو’خراب‘ یا ’بہت خراب‘ قرار دیا۔جرمن حکومت کی جانب سے بارہا کہا گیا ہے کہ جرمنی کو عالمی تنازعات میں زیادہ موثر کردار ادا کرنے کی ضرورت ہے، تاہم اس سروے کے مطابق 52 فیصد جرمن باشندوں نے دوسری عالمی جنگ کے بعد کی جرمن پالیسی، یعنی جنگی تنازعات سے دوری، ہی پر کاربند رہنے کے حق میں رائے دی۔

ایک نظر اس پر بھی

سی آئی اے کا دعویٰ ، سعودی عرب کے شہزادے نے دیا تھا جمال خشوگی کے قتل کاحکم

امریکی اخبار وشنگتن پوسٹ کے صحافی جمال خشوگی کی موت کو لیکر امریکی کی خفیہ ایجنسی نے بڑا دعوی کیا ہے۔ امریکہ کی سینٹرل انٹیلیجنس ایجنسی ( سی آئی اے ) نے کہا ہے کہ نے صحافی جمال خشوگی کے قتل کے احکام دئے تھے۔

بھارت۔ تائیوان ایس ایم ای ترقیاتی فورم تائیپی میں شروع 

vایم ایس ایم ای کے سکریٹری ڈاکٹر ارون کمار پانڈا 13 سے 17 نومبر 2018 تک چلنے والے بھارت 150 تائیوان ایس ایم ای ترقیاتی فورم کے اجلاس میں بھارتی وفد کی قیادت کررہے ہیں۔ فورم میں کل اپنے افتتاحی کلمات میں ڈاکٹر پانڈا نے کہا کہ بھارت میں ایم ایس ایم ای کی پوزیشن کلیدی اہمیت کی حامل ہے

شمالی کوریا کا میزائل پروگرام جاری ہے، رپورٹ

ایک امریکی ریسرچ آرگنائزیشن نے کہا ہے کہ اس نے شمالی کوریا کے میزائلوں سے متعلق ایسے 13 مقامات کا پتا لگایا ہے جن کا اعلان نہیں کیا گیا ہے۔ یہ اس بات کی تازہ ترین علامت ہے کہ شمالی کوریا کو اس کے جوہری ہتھیاروں سے دستبردار کرانے کی امریکی کوشش تعطل کا شکار ہو گئی ہے۔

غیر ملکی طلبہ کی امریکہ میں دلچسپی کیوں گھٹ رہی ہے؟

غیر ملکی طالب علموں کی آمد سے امریکی معیشت کو ہر سال42 ارب ڈالر کا فائدہ ہوتا ہے اور روزگار کی منڈی میں ساڑھے چار لاکھ ملازمتیں پیدا ہوتی ہیں۔ غیر ملکی طالب علم امریکی معیشت کے لئے بے بڑی اہمیت رکھتے ہیں۔

ہندوستان ڈیجیٹل فروغ اورترقی کے دورسے گذررہاہے ، سنگاپورمیں جاری فنٹیک فیسٹول میں وزیراعظم کاخطاب

وزیراعظم نے سنگاپورمیں جاری فنٹیک فیسٹول میں خطاب کرتے ہوئے کہاہے کہ یہ ہندوستان پر چھاجانے والے مالیاتی انقلاب اور ہندوستان کے 1.3 ارب عوام کی زندگی میں بہتر تبدیلیوں کا اعتراف ہے۔ہندوستان اور سنگاپور ہندوستانی اور آسیان ملکوں کے چھوٹے اور اوسط درجے کے کاروباری اداروں کوایک ...