گوری لنکیش کے قاتلوں کو چند ہفتوں میں ضرور پکڑ لیا جائے گا:رام لنگا ریڈی
بنگلورو،12؍نومبر (ایس او نیوز؍ آئی این ایس انڈیا )کرناٹک کے وزیر داخلہ رام لنگا ریڈی نے کہا کہ سینئر صحافی گوری لنکیش کے قاتلوں کو چند ہفتوں میں یقینی طور پر پکڑ لیا جائے گا۔ریڈی نے کہاکہ گوری کے قاتلوں کو سو فیصد پکڑ لیا جائے گا۔یہ چند ہفتوں میں ہوگا۔حالانکہ انہوں نے واضح کیا کہ اس کا مطلب ایک یا دو ہفتہ نہیں ہے بلکہ یہ کچھ ہفتوں میں ہوگا۔آپ کو بتا دیں کہ گوری کو بنگلور میں دو ماہ قبل قتل کر دیاگیاتھا۔
ریڈی نے کہا کہ قتل کی تحقیقات کر رہی خصوصی تحقیقات ٹیم (ایس آئی ٹی)کے پاس حملہ آوروں کے خلاف ثبوت ہیں، لیکن اب ان کا انکشاف نہیں کیا جا سکتا۔انہوں نے پریس کلب آف بنگلور اور بنگلور رپورٹر گلڈ کی طرف سے منعقد ایک پریس کانفرنس میں کہاکہ یہ کس نے کیا ایس آئی ٹی کی طرف سے مہیا کی گئی معلومات کو لے کر میں اس بات سے واقفیت رکھتا ہوں، لیکن ابھی اس کا انکشاف نہیں کر سکتا۔