گوری لنکیش قتل معاملہ: ہبلی سے مزید2ملزم گرفتار

Source: S.O. News Service | By Shahid Mukhtesar | Published on 24th July 2018, 11:06 AM | ریاستی خبریں | ان خبروں کو پڑھنا مت بھولئے |

بنگلور24؍جولائی(ایس او نیوز) معروف صحافی گوری لنکیش قتل معاملہ کی تفتیش کررہی خصوصی تحقیقاتی ٹیم ( ایس آئی ٹی ) نے انتہائی فعال کردار ادا کرتے ہوئے مزید دو گرفتاریاں عمل میں لائی ہیں۔ ہبلی سے گرفتار دو ملزموں کو ایس آئی ٹی نے آج شہر کی اے سی ایم ایم کورٹ میں پیش کیا ہے ۔ گرفتار ملزمین کی شناخت امیت رامچندرا بڈی اور گنیش وسکن کے طور پر کی گئی ہے ۔ دونوں کو ہبلی بنشنکری سندر روڈ سے گرفتار کیا گیا ۔ گرفتاری کے وقت ملزمین کے قبضہ سے غیر قانونی ہتھیار بھی ضبط کیاگیا ہے ۔ دونوں ملزمین پر غیر قانونی ہتھیار رکھنے اور گوری لنکیش کو قتل کرنے کے لئے ہتھیار فراہم کرنے کا الزام ہے ۔تین دن پہلے اس معاملے میں موہن نایک کو سولیہ سے گرفتار کیاگیاتھا۔ موہن پر پرشورام واگمورے کو کرایہ پر گھر دلانے اور گوری کو قتل کرنے کے مختلف مراحل میں مدد کرنے کا الزام ہے ۔

دریں اثناء گوری قتل کا اہم ملزم پرشورام واگمورے کو ایک پرانے معاملے میں وجئے پور کورٹ سے راحت دی گئی ہے ۔6سال قبل پرشورام پر سندگی تحصیلدار دفتر کے روبرو پاکستانی پرچم لہرانے کا الزام تھا۔ اس معاملے میں وہ پانچواں ملزم تھا۔ کل ہبلی میں گرفتار کئے گئے دو ملزمین سمیت ایس آئی ٹی نے گوری قتل معاملہ میں ابتک دس ملزمین کوگرفتار کیا ہے ۔سب سے پہلے منجا عرف نوین کمار کوگرفتار کیا گیاپھردیگر9ملزموں کو ایس آئی ٹی نے گرفتار کیا ہے ۔ ہبلی سے گرفتار دو ملزموں کو آج شہر کی عدالت میں حاضر کیاگیا، عدالت نے 6؍ اگست تک دونوں ملزموں کو پولیس حراست میں دے دیا ہے ۔ ایس آئی ٹی نے بتایا کہ 5ستمبر2017کو گوری لنکیش پر گولیاں چلانے والا پرشورام واگمورے ہے ۔ قتل واردات کے بعد ایس آئی ٹی نے شہر کے مختلف علاقوں سے کئے گئے ایک لاکھ سے زائد فون کالس کا جائزہ لیا تھا اور ملک کے تین ریاستوں میں تحقیقات کرتے ہوئے ملزموں کو گرفتار کیاگیاہے۔

ایک نظر اس پر بھی

شمالی کینرا پارلیمانی امیدوار آنند اسنوٹیکر کی انتخابی مہم میں وزیراعلیٰ کمارا سوامی اور ضلع انچارج وزیر دیشپانڈے کی شرکت

ضلع شمالی کینرا کی پارلیمانی سیٹ پرمرکزی وزیر اور بی جے پی امیدواراننت کمار ہیگڈے کے خلاف جنتادل ایس اور کانگریس کے مشترکہ امیدوار آنند اسنوٹیکر کی تشہیری مہم میں اس وقت تیزی آگئی جب ریاستی وزیراعلیٰ کماراسوامی اور ضلع انچارج وزیر آر وی دیشپانڈے نے مختلف مقامات پر انتخابی ...

ملک میں مجبور پی ایم چاہتی ہے کانگریس، کرناٹک میں ریلیوں میں پھرپاکستان کے حوالے سے مودی کاخطاب

معلق لوک سبھاکے تجزیئے کے درمیان اب بی جے پی نے واضح اکثریت مانگنی شروع کردی ہے ۔وزیر اعظم نریندر مودی نے جمعرات کو دعوی کیا کہ کانگریس ملک میں ایک مجبور وزیر اعظم بنوانا چاہتی ہے۔انہوں نے لوگوں سے مرکز میں قومی سلامتی پر زور دینے والی مضبوط حکومت بنوانے کی اپیل بھی کی۔شمالی ...

لوک سبھا انتخابات کا دوسرا مرحلہ ؛کشمیر سے کنیا کماری تک ہورہی ہے پولنگ؛ شام تک 61 فیصد پولنگ؛ جموں و کشمیر میں سب سے کم ووٹنگ

  لوک سبھا انتخاب کے دوسرے مرحلے کے لیے صبح 7 بجے سے ووٹنگ شروع ہو گئی ہے۔ دوسرے مرحلے میں ملک کی 12 ریاستوں کی 95 لوک سبھا سیٹوں پر ووٹنگ ہو رہی ہے، جس کے لئے 1.78 لاکھ پولنگ بوتھ بنائے گئے ہیں۔ اس میں 1629 امیدوار اپنی قسمت آزمائی کر رہے ہیں۔ دوسرے مرحلے کے دوران اتر پردیش کی 8، مغربی ...

لوک سبھا انتخابات: کیا اُترکنڑا میں انکم ٹیکس کے مزید چھاپے پڑنے والے ہیں؟

پارلیمانی الیکشن کے پس منظر میں محکمہ انکم ٹیکس اور انتخابی نگراں اسکواڈ کی طرف سے مختلف ٹھکانوں پر جو چھاپے مارے جارہے ہیں، اس تعلق سے خبر ملی ہے کہ ضلع شمالی کینرا میں مزیدکئی سیاسی لیڈروں اورتاجروں کے ٹھکانوں پر چھاپے پڑنے والے ہیں۔

مودی نوجوان نسل کو گمراہ کرنے میں ملوث ہیں : اشوک گہلوت

راجستھان کے وزیراعلیٰ اشوک گہلوت نے جمعرات کو کہا کہ آزادی کے بعد ملک کے عوام اور کانگریسی حکومتوں کی طرف سے کئے گئے کاموں کے باعث بھارت آج سپر پاور بننے کی جانب بڑھا ہے۔ اس کے ساتھ ہی گہلوت نے سابقہ کانگریسی حکومتوں کے کاموں پر سوال اٹھانے کو لے کر وزیر اعظم نریندر مودی پر ...

ضلع شمالی کینرا میں محکمہ انکم ٹیکس کے چھاپے۔ بی جے پی امیدوار اننت کمار ہیگڈے کے قریبی افراد پر۔87.70لاکھ روپے ہوئے ضبط

ضلع ڈپٹی کمشنر ڈاکٹر ہریش کمار کی طرف سے جاری کی گئی رپورٹ کے مطابق مصدقہ اطلاعات کی بنیا د پر انتخابی ضابطہ اخلاق لاگو کرنے پر تعینات فلائی اسکواڈ اور محکمہ انکم ٹیکس نے سرسی اور سداپور میں بی جے پی امیدوار اننت کمار ہیگڈے کے شناسا افراد پر چھاپہ ماری کی اوراس کے نتیجے میں ...

بی جے پی کا حصہ بن چکی ہیں سرکاری ایجنسیاں:کنی موجھی

گزشتہ چند دنوں میں محکمہ انکم ٹیکس نے ملک کے مختلف حصوں میں چھاپہ ماری کی ہے۔حکام نے منگل کو ڈی ایم کے لیڈر کنی موجھی کے گھر پر چھاپہ ماری کی تھی۔رپورٹوں کے مطابق ان کے پاس سے بڑی مقدار میں نقد رقم جمع ہونے کی اطلاع ملی تھی،اسے لے کر کنی موجھی نے بھارتیہ جنتا پارٹی (بی جے پی) پر ...