بنگلورو:17؍ستمبر(پی ٹی آئی) گوری لنکیش قتل معاملہ کی تحقیق کررہی خصوصی تحقیقاتی ٹیم نے صحافی۔جہدکار کی ہلاکت کے تعلق سے مصنف وکرم سمپت کا بیان درج کیاہے۔ سمپت نے یہاں پی ٹی آئی سے کہا ’’جب میں کچھ روز پہلے لندن سے آیا ایک ایس آئی ٹی کا افسر گوری لنکیش معاملہ میں میرا بیان درج کرنے میرے گھر آیا۔‘‘ سمپت نے کہاکہ گو یہ ایک ’’تعمیری رجعت‘‘ نہیں ہے انہوں نے قانون کو ماننے والے ایک شہری کی طرح اس کا تعاون کیا۔ انہوں نے کہاکہ 55سالہ گوری لنکیش کے تعلق سے کی گئی تنقید کا ایس آئی ٹی نے کچھ احساس کیا ہوتا۔ لیکن انہوں نے نہ کوئی توجہ دی نہ ہی گوری لنکیش کے مضمون پر رد عمل ظاہرکیا۔ انہوں نے الزام لگایا ’’اگر کچھ ہے تو وہ گوری ہیں جنہوں نے عوامی طورپر میری توہین کی اور میں ممکنہ غلط فریق تھا۔‘‘ گوری نے مبینہ طورپر اپنے پندرہ روزہ کنڑا اخبار اور کچھ انگریزی اخبارات میں 2015ء میں مضمون کی جانب سے ایوارڈ واپس کی مخالفت کرنے پر سمپت پر ایک تنقیدی مضمون لکھا تھا۔ اس سال بنگلورو ثقافتی تہوار تنازعہ کا شکار بن گیا تھا جب سمپت نے تہوار کے ڈائرکٹر کا عہدہ چھوڑنے کا فیصلہ کیا۔ جب کنڑا مضمون کے اپنے ایوارڈ واپس کرنے پر ان کے ریمارک کے خلاف اس میں شرکت سے انکار کیا۔ انہوں نے سوال کیاکہ ایس آئی ٹی ان تمام سے پوچھ گچھ کرے گی جو گوری پر تنقید کرتے تھے۔ کیوں کہ بطور بے خوف صحافی وہ کئی انفرادی شخصیات بشمول وزیر اعظم ہند پر تنقید کرتی تھیں۔ لیکن کس لئے میرے معمر والدین اس کشیدگی سے گزریں۔