گوری لنکیش قتل معاملے میں خصوصی تحقیقاتی ٹیم کو ابتدائی کامیابی

Source: S.O. News Service | By Shahid Mukhtesar | Published on 10th March 2018, 8:33 PM | ریاستی خبریں |

بنگلورو،9؍مارچ(ایس او نیوز)معروف صحافی گوری لنکیش کے قتل کے تقریباً چھ ماہ بعد اس سنسنی خیز معاملے میں ریاستی پولیس نے پہلی گرفتاری کی ہے۔ اس معاملے کی جانچ میں مصروف خصوصی تحقیقاتی ٹیم نے ہندو تنظیم سے وابستہ کے ایک کارکن کے ٹی نوین کمار کو حراست میں لیا ہے، ملزم کو گوری لنکیش کے قتل میں ملوث کلیدی ملزم کو پناہ دینے اور اسے قتل کیلئے استعمال کی گئی گن مہیا کرانے کے الزام میں گرفتار کیا گیا تھا۔ 55سالہ گوری لنکیش کو نامعلوم حملہ آوروں نے 5؍ ستمبر 2017کوان کی رہائش گاہ کے باہر گولی مار دی تھی۔ ڈپٹی کمشنر آف پولیس ایم این انو چیت نے بتایا کہ نوین کمار کو اس کیس میں ایک ملزم کے طور پر گرفتار کیاگیا ہے۔نوین کمار جس کی عمر 30 سال کے آس پاس ہے، اس کا تعلق کٹر ہندو بنیاد پرست تنظیم سے ہے۔اس کے خلاف غیر قانونی اسلحہ رکھنے کے قانون کے تحت مقدمہ درج کرتے ہوئے اسے پولیس تحویل میں لے لیا گیا ہے۔آٹھ دن تک خصوصی تحقیقاتی ٹیم نے پوچھ تاچھ کے بعد اس کیس کے سلسلے میں بہت ساری معلومات یکجا کی ہیں۔ یاد رہے کہ وزیر داخلہ رام لنگا ریڈی نے حال ہی میں کہا تھاکہ گوری لنکیش قتل کے سلسلے میں خصوصی تحقیقاتی ٹیم جلد ہی ایک کلیدی ملزم کو گرفتار کرلے گی۔اس دوران نوین کمار کے خاندان والوں نے دعویٰ کیا ہے کہ گوری لنکیش قتل کیس سے نوین کا کچھ لینا دینا نہیں ہے، غیر ضروری طور پر اسے پھنسایا جارہا ہے۔ انسپکٹر جنرل آف پولیس( خفیہ محکمہ) بی کے سنگھ کی قیادت میں قائم خصوصی تحقیقاتی ٹیم نے نوین کمار کی جس طرح سے گرفتاری کی اور دیگر ملزمین کو تلاش کرنے کیلئے جو کام کررہی ہے اس کیلئے اس کی کافی ستائش کی جارہی ہے، مسٹر بی کے سنگھ نے اعلان کیا کہ گوری لنکیش کے قاتل کے متعلق مصدقہ اطلاع دینے والے کو دس لاکھ روپے دئے جائیں گے۔ 

ایک نظر اس پر بھی

کرناٹک میں عازمین حج سے ضرورت سے زائد رقم کی جارہی ہے وصول ، نئے وزیرحج ضمیراحمد خان کا الزام

کرناٹک کے نئے وزیرحج ضمیراحمد خان نے الزام عائد کیا ہے کہ سفرحج کےنام پر عازمین حج کو لوٹا جارہاہے۔ بنگلورو میں ضمیراحمد خان نے کہاکہ مرکزی حج کمیٹی عازمین حج سے کیوں زائد رقم وصول کررہی ہے؟ ضمیر احمد خان نے اس پورے معاملے میں اشاروں ہی اشاروں میں  ہیراپھیری کا بھی الزام ...

جنرک میڈیکل اسٹورس میں دوائیوں کی مانگ پوری کی جائیگی منظم نیٹ ورک کے ذریعہ دوائیاں تقسیم کرنے کیلئے نیا سافٹ ویر تیار ہوگا : اننت کمار

مرکزی حکومت کی طرف سے قائم کردہ جنرک میڈیکل اسٹورس میں دوائیوں کی مانگ میں جو دن بہ دن اضافہ ہورہاہے اس کے متعلق مرکزی حکومت کو حال ہی میں اطلاع ملی ہے ۔ مزید ایک ماہ میں یہ مسئلہ حل کرلیا جائے گا۔

حج بھون کے معاملے کو لے کر بی جے پی کی سیاسی رنگ دینے کی کوشش؛ ضمیر احمد نے شوبھا کرندلاجے سے کہا؛ اپنے مفاد کے لئے گندی سیاست اور عوام کو گمراہ نہ کریں

ریاستی وزیر برائے اقلیتی امور،اوقاف وحج وغذا شہری رسد بی زیڈ ضمیر احمد خان نے کہا کہ حج گھر کو حضرت ٹیپو سلطان شہیدؒ کے نام سے منسوب کرنے کو لے کر فرقہ پرست جماعت گندی سیاست نہ کرے۔

بنگلورو میں سڑک پر ملے یتیم بچے کو دودھ پلانے والی کانسٹیبل کی عزت افزائی

کوڑا کرکٹ کے ذخیرہ سے قریب ملے یتیم بچے کی جان بچانے کے لئے اپنا دودھ پلاکر انسانیت کی مثال قائم کرنے والی الیکٹرانک سٹی پولیس تھانے کی خاتون کانسٹیبل ارچناکو مےئر سمپت راج نے آج اپنے دفتر میں اس اقدام کو سراہتے ہوئے تہنیت پیش کی۔ مےئر سمپت راج نے اپنے دفترمیں ارچنا کو ایک ...

کے پی سی سی صدارت حاصل کرنے ایچ کے پاٹل اور دنیش گنڈوراؤ کے درمیان رسہ کشی منی اپا بھی دعویدار۔ پاٹل دوڑمیں آگے،کئی سینئر لیڈروں کی تائید حاصل

کرناٹک پردیش کانگریس کمیٹی( کے پی سی سی) کے صدر کا عہدہ حاصل کرنے کے لئے ریاستی لیڈروں کے درمیان رسہ کشی جاری ہے۔ ایک دن ایک لیڈر کے نام کا اعلان ہوتا ہے تو دوسرے دن کسی دوسرے لیڈر کا نام لیا جاتا ہے۔

ڈاکٹر جی پرمیشور بنگلور کو ’’جنگی پیمانہ‘‘ پر بچانا چاہتے ہیں

شہری مسائل جو ہمارے شہر گلستاں بنگلور کو سالوں سے پریشان کئے ہوئے ہیں وہ اب بہت جلد ماضی کا باب بننے والے ہیں ، اس لئے کہ ریاستی حکومت نے کہا ہے کہ وہ اس تیز رفتاری کے ساتھ بڑھتے ہوئے شہر کو پلاسٹک سے پاک کر دے گی اور شہر کے تالابوں کو آلودگی سے محفوظ رکھنے کے لئے جنگی پیمانہ پر ...