بنگلورو،19؍جنوری (ایس ا و نیوز) بنگلورو  میں مکانوں کوپائپ لائن کے ذریعہ گیس فراہم کرنے کے منصوبے کوشروع ہوئے حالانکہ 5سال گزرگئے ہیں لیکن اس پر بہت سست رفتاری سے کام ہورہاہے ، گیس اتھارٹی آف انڈیا ( جی اے آئی یل) نے مہاراشٹرا کے دھابول سے ایک ہزار کلومیٹر لمبی پائپ لائن کے ذریعہ بنگلور کے مکانوں میں گیس فراہم کرنے کامنصوبہ بنایاتھا لیکن ابھی تک صرف 4700مکانوں کو ہی پائپ لائن کے ذریعہ رسوئی گیس فراہمم کی جارہی ہے۔ مرکزی وزیر وجئے گوئل نے گزشتہ دنوں شہر میں اس منصوبے کی پیش رفت کا جائزہ لیااور انہوں نے کہاکہ دوسال کے اندر 1.32لاکھ گھروں کو پائپ کے ذریعہ رسوئی گیس فراہم کی جائے گی ۔ انہوں نے بتایاکہ گیس کمپنی نے 57ہزار گھروں میں پائپ کے ذریعہ گیس سپلائی کرنے کے لئے بنیادی ڈھانچے کاکام مکمل کرلیاہے۔