ہبلی، 17؍جنوری (ایس او نیوز)شہر کی کنچ کار گلّی میں گانجہ فروشی کے اڈے پر پولیس نے چھاپہ مارا اور ایک شخص کو اپنی گرفت میں لے لیا۔ اس بات کی اطلاع ڈی سی پی رینوکا سوکمار (لاء اینڈ آر ڈر) نے دی ہے۔

پولیس کے بیان کے مطابق گرفتار شدہ شخص کا نام وینکٹیش بھاوی منے(36سال) بتایا جاتا ہے، جو بوڈرسنگھ گرام کا رہنے والا ہے۔اس کے علاوہ چھاپے کے دوران دو ملزمین فرار ہونے میں کامیاب ہوگئے۔ جبکہ پولیس نے 500گرام گانجہ اور 1430روپے نقد ضبط کرلیے۔ڈی سی پی نے کہا ہے کہ مزید تحقیقات کی جارہی ہیں اور دیگر ملزمین کو بھی جلد گرفتار کیا جائے گا۔