گنگولی :4/ اکتوبر(ایس اؤ نیوز) توحید ویمنس ڈگری کالج گنگولی نے کنداپور کے بھنڈارکارس کالج کے شعبہ ہندی کے زیر اہتمام ہندی بھاشا اور تہذیب کے متعلق منگلورو یونیورسٹی سطح کے ثقافتی مقابلہ جات میں بہتر کارکردگی کا مظاہرہ کرتے ہوئے چمپئین شپ کا خطاب جیت کر کالج کانام روشن کیا ہے۔
توحید کالج کی طالبات نے قوالی ، غزل گوئی ، نکڑ ناٹک اور مصوری وغیرہ میں شریک ہوتے ہوئے قوالی اورنکڑ ناٹک میں اول نمبر حاصل کیا ہے۔ کالج کی طرف سے بی کام کی طالبات نائلہ، نکہت، شاہیمہ ، منیرہ ، زلفہ ، نمیرہ ، سمرن ، صحیحہ افراح اور رحینہ نے مختلف مقابلہ جات میں اپنے فن کاری کا مظاہرہ کیا۔ کالج کی لکچرر دیپیکا اور شویتا نے طالبات کی تربیت کی تھیں۔ اس موقع پر کالج انتظامیہ ، پرنسپال ، لکچرر حضرات اور دیگر معززین نے طالبات کو مبارکبادی دی ہے۔