اقلیتی طبقہ کی تعلیم کی فکر کرنا ہماری ذمہ داری، ہمیں کوئی ہدایت نہ دے:ممتابنرجی

Source: S.O. News Service | By Shahid Mukhtesar | Published on 5th December 2017, 8:15 PM | ملکی خبریں |

کلکتہ، 05؍دسمبر (ایس او نیوز؍آئی این ایس انڈیا)اس استدلال کے ساتھ کہ ریاست کی وزیر اعلیٰ کی حیثیت سے اقلیتی طبقے سے متعلق فکر کرنا اور ان کی فلاح و بہبود اور تعلیمی وسماجی ترقی کیلئے کوشش کرنا ان کی ذمہ داری ہے، وزیرا علیٰ ممتا بنرجی نے کہا کہ مرکز یا کوئی بھی لیڈ ر اس پر انہیں کوئی ہدایت نہیں دے سکتا ہے۔ میں ریاست کے تمام طبقات، برادری سے متعلق یکساں فکر مند ہوں۔بنگال میں 31فیصد اقلیتوں کی آبادی ہے انہیں نظر انداز نہیں کیا جا سکتا ہے۔مغربی بنگال اقلیتی و مالیاتی کارپوریشن کے سالانہ پروگرام سے خطاب کرتے ہوئے وزیر اعلیٰ ممتا بنرجی نے مرکزی حکومت کی سخت تنقید کی اور کہا کہ مرکزی اسکیموں کیلئے اب فنڈ نہیں ملا ہے او ر اس کے باوجود تمام اسکیمیں بنگا ل میں چل رہی ہیں۔ ممتا بنرجی نے کہا کہ مرکزی حکومت نے اقلیتی طبقہ کے طلباء کے اسکالر شپ کیلئے فنڈ دینا بند کردیا ہے۔مگر اس کے باوجود ہم بڑے پیمانے پر اقلیتی طلباء کو اسکالرشپ دے رہے ہیں۔ممتابنرجی نے کہاکہ اقلیتی طلباء کو تعلیم سے محروم نہیں کیا جاسکتا ہے۔ تعلیم پر ان کا اتنا ہی حق ہے جتنا دیگر طبقات کا ہے۔ جولوگ اقلیتوں کو تعلیم یافتہ دیکھنا نہیں چاہتے ہیں وہ انسان نہیں ہیں۔ ممتا بنرجی نے کہا کہ بنگال کی سرزمین سونار بنگلہ ہے۔یہاں امن و امان ، اتحاد یگانگی ، یکجہتی کا ماحول ہمیشہ سے رہا ہے اور ہمیشہ رہے گا۔ کچھ لوگ اس فضا کو بگاڑنے کی کوشش کررہے ہیں مگر انہیں کامیابی نہیں ملے گی۔وزیر اعلیٰ نے کہا کہ دو دن قبل بنگال میں پیغمبر حضرت محمد?کا یوم ولادت یہاں منایا گیا۔ان کا پیغام بھی امن و اتحاد اور انسانیت کی فلاح بہبود کا تھا۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...