چتوڑگڑھ: رافیل ڈیل میں ایئر فورس کے 30 ہزار کروڑ پر ڈاکہ ڈالا گیا:راہل گاندھی

Source: S.O. News Service | By Shahid Mukhtesar | Published on 1st December 2018, 11:55 PM | ملکی خبریں | ان خبروں کو پڑھنا مت بھولئے |

چتوڑ گڑھ،یکم؍ دسمبر (ایس او نیوز؍آئی این ایس انڈیا) راجستھان اسمبلی انتخابات کو لے کر راہل گاندھی ایک کے بعد ایک لگاتار ریلیاں کر رہے ہیں۔ہفتہ کو ادے پور میں کاروباریوں سے خطاب کرنے کے بعد راجستھان کے چتوڑ گڑھ میں ریلی سے خطاب کیا۔انہوں نے کہا کہ رافیل ڈیل میں ایئر فورس کے 30 ہزار کروڑ روپے پر ڈاکہ ڈالا گیا اور اسے انل امبانی کے جیب میں ڈال دیا گیا۔انہوں نے کہا کہ تاریخ میں پہلی بار ایسا ہوا جب فرانس کے صدر نے ہندوستان کے کسی وزیر اعظم کو چور کہا۔راہل نے کہاکہ رافیل سودا مودی جی نے بدلا اور انل امبانی کی جیب میں 30,000کروڑ روپے ڈالے۔سی بی آئی ڈائریکٹر اس کی جانچ کرنا چاہتے تھے لیکن مودی جی نے نصف شب کو سی بی آئی ڈائریکٹر کو نکال دیا۔راہل نے کہا کہ راجستھان کی عوام کا دو ہی سوال ہے نوجوانوں کو روزگار دلوانے کا اورکسانوں کے قرض معافی کا ہے۔ہر نوجوان، مائیں اور بہنیں یہی سوال پوچھ رہی ہیں کہ ملک کی اگلی نسل کو روزگار ملے گا یا نہیں؟ نوجوانوں اور کسانوں کا نریندر مودی جی اور وسندھرا جے کے اوپر سے بھروسہ ختم ہوگیا ہے۔کسان کے مسائل نوجوانوں کے روزگار سے بھی وابستہ ہیں۔ راجستھان سمیت پورے ہندوستان کے کسانوں کو پیسہ نہیں مل رہا ہے۔کسان کہتے ہیں کہ محض زراعت پر بغیر مدد کے زندہ رہنا مشکل ہے۔ 2014 میں پی ایم مودی نے روزگار اور کسانوں کی خوب بات کی۔لیکن 2018 کے ان تقریروں میں نہ تو روزگار ہے، نہ ہی کرپشن ہے اور نہ ہی کسان ہے۔ان پانچ سالوں میں ملک کا بہت نقصان ہوا ہے۔ مودی حکومت اور وسندھرا حکومت کے دور میں لوگوں کو کچھ نہیں ملا۔لیکن کاروباریوں کو خوب ملا۔مودی حکومت نے 15 لوگوں کا 3.5 لاکھ کروڑ روپے معاف کیا۔

ایک نظر اس پر بھی

سرمائی سیشن میں رافیل اور آر بی آئی کی خودمختاری کامسئلہ اٹھایاجائے گا:غلام نبی آزاد

کانگریس کے سینئر لیڈر غلام نبی آزاد نے پیر کو کہا کہ پارلیمنٹ کے سرمائی اجلاس میں رافیل طیارے سودے کی تحقیقات کے لئے مشترکہ پارلیمانی کمیٹی (جے پی سی)کے قیام کا مطالبہ اور ریزرو بینک کی خود مختاری اور جانچ ایجنسیوں کے مبینہ غلط استعمال سمیت کئی دیگر مسائل اٹھائے جائیں گے ۔

مودی حکومت غیر قانونی طریقے سے سوچھ توانائی کے پیسے کوکہیں اورلگارہی ہے: سیتا رام یچوری

کمیونسٹ پارٹی (سی پی ایم)کے سیکریٹری جنرل سیتا رام یچوری نے پیر کو الزام لگایا کہ مرکز کی بی جے پی حکومت ریاستوں کو جی ایس ٹی میں ان کے حصے کی ادائیگی کے لئے سوچھ توانائی فنڈ کی رقم غیر قانونی طور پر استعمال کر رہی ہے۔

اقلیتی تعلیمی پروگرام میں آندھرا پولیس کے ذریعہ زیادتی کی پاپولر فرنٹ نے کی مذمت

پاپولر فرنٹ آف انڈیا کے جنرل سکریٹری ایم محمد علی جناح نے آندھرا پردیش میں پاپولر فرنٹ کے ایک تقسیمِ اسکالرشپ پروگرام میں کچھ پولیس افسران کی خلل اندازی اور جھوٹے الزامات میں تنظیم کے زونل سکریٹری و دیگر ضلعی لیڈران کی من مانی گرفتاری اور انہیں زدوکوب کرنے کے طریقے کی سخت ...

کاروار : نجومی اور جوتشی سے اپنے مستقبل کو معلوم کرنے کے بجائے اپنی سوچ وفکر کو بدلیں  : کروالی اتسوا میں کرشماتی ماہر ڈاکٹر ہولیکل نٹراج  

دنیا میں فریب،دھوکہ عام بات ہے مگر دھوکہ کے جال میں پھنسنا بڑی بےو قوفی اور غلط بات ہے۔ گھر توڑ کر واستو(توہم پرستی کے چلتے گھر کے دروازے اور کھڑکیوں کے رخ کو متعین کرنےو الا نجوم ) صحیح کرنے کے بجائے اپنی ذہنی سوچ وخیال کو بدل لیجئے۔ کرشموں کا کچا چٹھا نکالنےمیں ماہر ڈاکٹر ...