منگلورو کے اے جے اسپتال میں پھیپھڑوں کے مرض کے متعلق مفت میڈیکل چک اپ کیمپ
بھٹکل:7/ستمبر(ایس اؤ نیوز) پھیپھڑوں کی بیماری میں مبتلا مریضوں کے لئے ریاست کے مشہور و معروف اور جدید ٹکنالوجی سے آراستہ منگلورو کے اے جے اسپتال میں ستمبر 11اور12کو مفت چک اپ کیمپ رکھاگیا ہے۔
پریس کانفرنس میں اے جے اسپتال کے مارکیٹنگ آفیسر شیو پرساد شٹی نے مفت میڈیکل چک اپ کیمپ کی جانکاری دیتےہوئے بتایاکہ کیمپ کے ذریعے ابتداء میں ہی پھیپھڑوں کے متعلق بیماری کا پتہ لگانا ، اس تعلق سے انہیں مفید مشورے دینا اور مریض کو بہتر علاج مہیا کرنا کیمپ کا اصل مقصد ہے۔ وہ لوگ جن کو ہمیشہ کف کی، کف میں خون آنے کی شکایت رہتی ہے اور پھیپھڑوں کے آپریشن کی ضرورت والوں ، پھیپھڑوں کے کینسر میں مبتلا مریض کیمپ سے استفادہ کرسکتے ہیں۔ کیمپ میں شریک ہونا چاہتے ہیں تو اپنا نام رجسٹریشن کے لئے 0824-6613252۔8494890600پر رابطہ کرنے کو کہاگیا ہے۔ پریس کانفرنس میں ڈاکٹر سمبھرم شٹی، محمد اشرف وغیرہ موجود تھے۔