فرانس : 9 سالہ ننھا چور پولیس کی تحویل میں
پیرس29جولائی ( ایس او نیوز؍آئی این ایس انڈیا )فرانس کے دارالحکومت پیرس میں پولیس نے ایک اپارٹمنٹ میں چوری کے شْبہے میں ایک نو سالہ بچّے اور اْس کے تیرہ سالہ ساتھی کو حراست میں لے لیا۔پولیس کے مطابق دونوں ننھے چور رات دس بجے کے قریب ایک عمارت کی بالکونی میں معلّق پائے گئے تھے۔ حراست میں لیے جانے سے قبل دونوں نے ایک تھیلے سے جان چھڑا لی تھی جس میں ملٹی میڈیا آلات، ایک بٹوہ اور نقدی موجود تھی۔چوری کی واردات کا نشانہ بننے والی شخصیت کا کہنا ہے کہ اس نے ایک بچّے کو قابو کرنے کی کوشش کی تھی مگر وہ بالکونی کے ذریعے اپنے ایک ساتھی کے ہمراہ فرار ہو گیا۔نو سالہ بچّے کو پناہ کے مرکز پہنچا دیا گیا جب کہ اس کے تیرہ سالہ ساتھی سے پوچھ گچھ کی جا رہی ہے۔