بھٹکل:2/ فروری (ایس اؤنیوز) بھٹکل قومی شاہراہ پر دن دہاڑے 2موٹر بائک پر سوار 4 لٹیروں کی ٹیم نے ایک منی ٹمپو  کو روک کر سواری کونقصان پہنچانے کے ساتھ ساتھ سواری پر موجود دولوگوں پر حملہ کرکے چار ہزار روپیہ نقد اور موبائل لے کر  فرار ہونے کا واقعہ وینکٹاپورآئس فیکٹری کے قریب پیش آیا ہے۔

حملہ کا شکار ہونے والوں کی شناخت کنداپور کے مکین کرشنا پجاری اور گروپرساد شٹی کی حیثیت سے کی گئی ہے۔ جن کے چہرے پر گھونسہ مارکر اُنہیں زخمی کیاگیاہے اور شرٹ کا جیب ہی چھینا گیا ہے، جس میں رقم تھی۔ سواری کے شیشوں کو چکنا چور کیاگیا ہے، سامان ادھر ادھر پھینکا گیا ہے ۔

موصولہ اطلاعا ت کے مطابق ملزموں میں سے ایک کی شناخت ہوئی ہے ۔ بتایا گیا ہے کہ ہاتھ میں ہاتھ تھام کر دونوں بائک سوارجارہے تھے جس پر اعتراض کئے جانے کی وجہ سے حملہ کیا گیا ہے۔ بائک سواروں کے متعلق بتایا جارہا ہے کہ  بائک سواری کے دوران چاروں نوجوان شراب یا گانجہ کی نشہ میں ہونے کا شبہ جتایا گیا ہے۔ حملہ کا شکار ہوئے کرشنا اور گروپرساد نے میڈیا والوں کو بتایا کہ حملہ آوروں نے ان سے موبائیل اور رقم لوٹ کر فرا رہوگئے ہیں۔ واقعہ کی اطلاع ملتے ہی قومی شاہراہ پر خوف کا ماحول دیکھا گیا۔ اطلاع ملتے ہی بھٹکل مضافاتی پولس تھانہ ایس آئی منجپا  اپنے عملے کےساتھ جائے وقوع پر پہنچے اورمعائنہ کیا ۔ خبر ملی ہے کہ  واقعہ کی جانکاری لینے کے بعد ضلع ایس پی ونایک پاٹل نے ملزموں کو فوری گرفتارکرنے کی پولس افسران کو ہدایات جاری کی ہیں۔