غزہ: یوم القدس ملین مارچ پر اسرائیلی حملوں میں چار فلسطینی شہید

Source: S.O. News Service | By Shahid Mukhtesar | Published on 10th June 2018, 12:06 PM | عالمی خبریں |

غزہ 9جون ( ایس او نیوز؍آئی این ایس انڈیا )فلسطین کے علاقے غزہ کی پٹی میں کل جمعہ کے روز ’عالمی یوم القدس‘ کے موقع پر لاکھوں افراد نے مشرقی سرحد کی طرف مارچ کیا۔ اس موقع پر اسرائیلی فوج کی طرف سے نہتے مظاہرین پر طاقت کا اندھا دھند استعمال کیا گیا جس کے نتیجے میں کم سے کم چار فلسطینی شہری شہید اور چھ سو زخمی ہوگئے ہیں۔ اطلاعات کے مشرقی غزہ کی پٹی پر جاری مظاہروں پر گہری نظر رکھی ہوئی ہے۔ مو صولہ اطلاعات کے مطابق بزدل قابض فوج نہتے فلسطینی مظاہرین پر ڈرون طیاروں کے ذریعے آنسوگیس کی شیلنگ، براہ راست فائرنگ اور دھاتی گولیوں کا استعمال کررہی ہے جس کے نتیجے میں دو فلسطینی شہید اور سیکڑوں زخمی ہوگئے ہیں۔نامہ نگاروں کے مطابق جمعہ کے روز نماز جمعہ کے بعد لاکھوں فلسطینیوں نے مشرقی سرحد کی طرف مارچ کیا۔ اس موقع پر قابض فوج نے فلسطینی ریلیوں پر انسوگیس کی شیلنگ کی اور فائرنگ کے ساتھ دیگر مجرمانہ ہتھکنڈے بھی استعمال کیے۔ اسرائیلی دہشت گردی میں 25 سالہ زیاد البریم،21 سالہ عماد ابو درابی،14 سالہ ھیثم ابو جمل اور 29 سالہ یوسف ابو الفصیح جام شہادت نوش کرگئے جب کہ چھ سو سے زائد زخمی ہوئے ہیں جن میں سے دس کی حالت خطرے میں بیان کی جاتی ہے۔ذرائع کے مطابق زخمی ہونے والوں میں پانچ صحافی بھی شامل ہیں جو مشرقی غزہ میں القدس ملین مارچ کی کوریج کررہے تھے کہ اسرائیلی فوج کی گولیوں کا نشانہ بن گئے۔ زخمی صحافیوں میں فرانسیسی خبر رساں ایجنسی’اے ایف پی‘ کے فوٹو گرافر محمد البابا اور صوت الاقصیٰ ٹی ی کے نامہ نگار اسماعیل ابو عمر بھی شامل ہیں۔عینی شاہدین کا کہنا ہے کہ جمعہ کو علی الصباح فلسطینیوں کی بڑی تعداد مشرقی غزہ میں سرحد کے قریب جمع ہونا شروع ہوگئی تھی۔ قابض فوج نے شہریوں کو احتجاج سے دور رکھنے کے لیے ان کے خیموں پر آتش گیر بم برسائے جس کے نتیجے میں احتجاجی خیموں میں آگ بھڑک اٹھی۔

ایک نظر اس پر بھی

بنگلہ دیش انتخابات میں شیخ حسینہ کامیاب، اپوزیشن نے نتائج ماننے سے کیا انکار

خبر رساں اداروں کے مطابق بنگلہ دیشی وزیر اعظم شیخ حسینہ واجد کی حکمران جماعت عوامی لیگ نے اتوار 30 دسمبر کو ہونے والے عام انتخابات میں اپوزیشن کے مقابلے میں بڑی برتری حاصل کر لی ہے اور حتمی نتائج میں عوامی لیگ کو کل 350 نشستوں میں سے 281 نشستوں پر کامیابی حاصل ہوئی ہے۔

ایرانی حکومت ٹوئٹراستعمال کر رہی ہے مگر عوام کے لیے ممنوع ہے : امریکی سفیر

جرمنی میں امریکی سفیر رچرڈ گرینل کا کہنا ہے کہ ایرانی حکومت خود ٹویٹر کا استعمال کر رہی ہے مگر عوام کے لیے اس کا استعمال روکا ہوا ہے۔ انہوں نے یہ بات ایرانی پارلیمنٹ کے اسپیکر علی لاریجانی سے منسوب ٹویٹر اکاؤنٹ کھولے جانے پر تبصرہ کرتے ہوئے کہی۔اگرچہ ایرانی میڈیا نے مذکورہ ...