عآپ کے چار اور ممبران اسمبلی نے نااہل قرار دیے جانے کے خلاف کھٹکھٹایاعدالت کا دروازہ
نئی دہلی،07؍ فروری (ایس او نیوز؍آئی این ایس انڈیا)عام آدمی پارٹی (عآپ)کے چار اور ممبران اسمبلی نے نفع بخش عہدے کے معاملے میں دہلی اسمبلی کی رکنیت کے لئے نااہل قرار دیئے جانے کے خلاف آج دہلی ہائی کورٹ کا دروازہ کھٹکھٹایا۔ان کی عرضیاں سماعت کے لئے جسٹس سنجیو کھنہ اور جسٹس چندر شیکھر کے سامنے آئیں جنہوں نے ان کی درخواستوں پر الیکشن کمیشن کا جواب مانگتے ہوئے اسے نوٹس جاری کیا۔کمیشن کی جانب سے پیش ہوئے وکیل امت شرما نے عدالت کو مطلع کیا کہ کمیشن نیا جواب دائر نہیں کرے گا اور آپ کے دیگر آٹھ ممبران اسمبلی کو نااہل قرار دیے جانے کے خلاف دائر ان کی درخواست پر دائر کئے گئے حلف نامے کو پھرمنظور کریگی۔چار آپ ممبران اسمبلی کے وکیل نے دلیل دی کہ وہ بھی انتخابات پینل کے حلف نامہ کے جواب میں آٹھ دیگر ممبران اسمبلی میں سے ایک کی جانب سے دائر جواب ہی قبول کریں گے۔بنچ نے اس پر توجہ دیتے ہوئے کہا کہ نریش یادو، ماڈل شاستری، سنجیو جھا اور راجیش گپتا کی درخواستوں کی سماعت اب آٹھ دیگر آپ ممبران اسمبلی کی درخواست کے ساتھ کی جائے گی جس پر آج سماعت ہونی ہے۔الیکشن کمیشن نے گزشتہ ہفتے دائر اپنے جواب میں عدالت سے کہا تھا کہ عرضیاں غور کرنے کے قابل نہیں ہیں اور انہیں مسترد کیا جانا چاہئے۔اس نے کہا تھا کہ آپ ممبران اسمبلی نے الیکشن کمیشن کی سفارشات کو چیلنج کیا ہے لیکن اس اب کوئی اہمیت نہیں ہے کیونکہ صدر رام ناتھ کووند ان سفارشات پر اپنا فیصلہ کر چکے ہیں۔ای سی کے حلف نامہ کے جواب میں آٹھ ممبران اسمبلی نے کہا کہ کمیشن ایک نیم عدالتی اتھارٹی کی طرح نہیں بلکہ ایک ذاتی مدعی کی طرح برتاؤ کر رہا ہے۔