بیلتھنگڈی:تیز دھاروالے ہتھیاروں سے حملہ ۔ 4افراد زخمی

Source: S.O. News Service | By Shahid Mukhtesar | Published on 5th December 2017, 5:05 PM | ساحلی خبریں |

بیلتھنگڈی 5؍دسمبر (ایس او نیوز)ایک گینگ وار کی طرف سے تیز دھاروالے ہتھیاروں کے ساتھ دوسری گینگ پر حملہ کرنے سے 4افراد زخمی ہونے کی اطلاع ملی ہے۔

بتایا جاتا ہے کہ کلیا گاؤں کے گیرو کٹّے میں آدھی رات کوغنڈوں کی ایک آٹھ رکنی ٹولی نے دوسری گینگ کے پانچ افراد پر تلواروں ، خنجروں وغیرہ سے حملہ کردیا اور حملے کی زد میں آنے والی گینگ کے افراد جان بچانے کے لئے ادھر ادھر بھاگنے پر مجبور ہوگئے۔اس حملے میں گیرو کٹّے کے تسلیم، حارث، سیاب اور حمید نامی نوجوان زخمی ہوگئے ہیں۔الزام ہے کہ یہ حملہ یعقوب او ر اس کی گینگ سے وابستہ حیدر، ابوبکر ، رضوان، عرفان ، رؤف، عمر ابّااور دیگر چار افراد نے مل کر انجام دیا ہے۔کہاجاتا ہے کہ کرکٹ کھیلنے سے متعلق ایک معمولی جھگڑے کے نتیجے میں یہ خونی حملہ کیا گیا تھا۔

ایک نظر اس پر بھی

بھٹکل تعلقہ چتراپور کے کلدیپ کمار نیشنل لیول کے لئے منتخب

ٹمکور ضلع میں منعقد ہوئے ریاستی سطح کے پرائمری اسکول کھیل مقابلوں میں شرالی چتراپور کی سرکاری ماڈل پرائمری اسکول کے طالب علم کلدیپ کمار جگتپال کشیپ ڈسک تھرو میں بہترین مظاہرہ پیش کرتے ہوئے قومی سطح کے لئے منتخب ہواہے۔

بھٹکل کے سڑک حادثے میں شدید زخمی ہوئے آٹو ڈرائیور کی موت

گزشتہ 11نومبر کو رنگین کٹے کی قومی شاہراہ پر کار اور آٹورکشاکے درمیان ہوئے سڑک حادثے میں شدید زخمی ہوکر اسپتال میں زیر علاج ہیبلے ، تنگنگنڈی کے آٹوڈرائیور ناگیش سنتما نائک (50) کی علاج کارگر نہیں ہونے سے  پیر کی صبح موت ہوگئی ۔

دس گھنٹوں تک بجلی سپلائی بند ہوجانے سے بھٹکل کے بعض اسکولوں میں دی گئی چھوٹے بچوں کو چھٹی؛ مچھروں اور گرمی سے عوام کا حال بے حال

اتوار شام آٹھ بجے سے پیر صبح دس بجے تک بھٹکل تعلقہ میں بجلی  سپلائی بند ہوجانے سے آج پیر صبح  بھٹکل کے بعض پرائیویٹ اسکولوں میں چھوٹے بچوں کو چھٹی دینی پڑی کیونکہ  الیکٹری سٹی نہ ہونے سے اسکول میں پانی  بند ہوگیا اور بالخصوص ٹوائلٹ میں پانی نہ ہونے سے اسکول انتظامیہ کے لئے ...