انکولہ میں کار بے قابو ہوکر سڑک کے باہر جاگری؛ چار زخمی
کاروار 12/جولائی (ایس او نیوز) ضلع اُترکنڑا کے انکولہ نیشنل ہائی وے پر ایک تیز رفتار کار بےقابو ہوکر سڑک کے باہر جاکر اُلٹ گئی، جس کے نتیجے میں چار لوگوں کو چوٹیں آئی ہیں، البتہ کار کو شدید نقصان پہنچا ہے۔
ذرائع سے ملی اطلاع کے مطابق ایک پرائیویٹ کمپنی کے اسٹاف گذشتہ دو دنوں سے گوا کی سیر کے لئے پہنچے تھے، وہ آج گوا سے ایک کار کرائے پر حاصل کرتے ہوئے گوکرن کی سیر کرنے کے بعد واپس گوا جارہے تھے کہ انکولہ میں ان کی کار بے قابو ہوگئی اور سڑک کے باہر جاگری۔ زخمیوں کی شناخت کولکتہ کے بسواس، شلپی اور حیدرآباد کی شیکا اور اُڑیسہ کے نیرج کی حیثیت سے کی گئی ہے۔
بتایا گیا ہے کہ کار پر سوار دونوجوان لڑکے اور لڑکیاں برہنہ حالت میں تھے، مقامی لوگوں نے چاروں کو کار سے باہر نکال کر کپڑے پہناتے ہوئے 108 ایمبولنس کی مدد سے اسپتال پہنچایا۔
انکولہ پولس نے حادثے کے تعلق سے معاملہ درج کرلیا ہے۔ پولس اس بات کا پتہ چلارہی ہے کہ آیا یہ لوگ نشہ کی حالت میں تو نہیں تھے ؟
