پرتاپ گڑھ (اتر پردیش):5 /فروری (ایس اونیوز /آئی این ایس انڈیا)ضلع کی ماندھاتا تھانہ پولیس اور سوات کی مشترکہ ٹیم نے سرائے مرار سنگھ پل کے پاس سے لاکھوں روپے قیمت کی غیر قانونی شراب برآمد ہونے کے بعد چار افراد کو گرفتار کیا ہے۔تھانہ انچارج انسپکٹر ارجن سنگھ نے بتایا کہ مخبر کی اطلاع پر سوات ٹیم کے ساتھ مل کر پولیس نے پیر دیر رات 101 کارٹون غیر قانونی دیشی شراب برآمد کی۔اس کی قیمت ڈیڑھ لاکھ روپے لگائی گئی ہے۔پولیس نے اس سلسلے میں گھنشیام سنگھ، سنجے شریواستو، چندو سنگھ اور علم چندر سمیت چار ملزمان کو گرفتار کیا گیا۔تفتیش میں ملزمان نے بتایا کہ اجے عرف ننہکے گپتا، انل سنگھ، گیان بہادر یادو اور سندیپ سنگھ سے انہیں غیر قانونی شراب ملتی ہے۔چاروں ملزمان کے خلاف متعلقہ دفعات میں مقدمہ درج کرکے انہیں مقامی عدالت میں پیش کیا گیا۔عدالت نے انہیں عدالتی حراست میں جیل بھیج دیا ہے۔