جعلی نوٹوں کے ساتھ کانپور میں چارافراد گرفتار
کانپور22جنوری(ایس اونیوز/آئی این ایس انڈیا)مودی سرکارنے جعلی نوٹوں کی وجہ سے بھی کرنسی تبدیل کی تھی لیکن اس کی یہ کوشش پوری طرح ناکام ہورہی ہے ۔ پولیس نے جعلی نوٹوں کے ساتھ چار نوجوانوں کو گرفتار کیا ہے۔پکڑے گئے ملزمان کو جیل بھیج دیاگیاہے۔ایس پی دیہی راجیش کمار نے بتایا کہ ہفتہ دیر رات تھانہ انچارج ششی بھوشن چیکنگ کر رہے تھے۔تبھی انہیں مخبر طرف سے معلومات ملیں کہ کسان شہر میں رام چندر گپتا کی میٹھی دکان کے پاس چار مشتبہ نوجوان جعلی نوٹوں کے ساتھ کھڑے ہیں۔اطلاع پرتھانہ انچارج نے محاصرہ کرتے ہوئے چاروں کوگرفتارکرلیا۔پکڑے گئے ملزمان کے قبضے سے سو کے پرانے نوٹ برآمد ہوئے ہیں۔ایس پی دیہی کے مطابق پکڑے گئے ملزمان میں ودھنو کے جامو گاؤں رہائشی راکیش سنگھ، نوبستا رہائشی چہرہ، گجنیر کانپور دیہات رہائشی شوم و نرول رہائشی امت سنگھ ہیں۔پکڑے گئے ملزمان کے خلاف مقدمہ درج کر کے جیل بھیجا جا رہا ہے۔