سرینا پر تبصرہ کرنے والے ٹینس اسٹار نستاسے باہر
پیرس، 23؍اپریل (ایس او نیوز؍آئی این ایس انڈیا )امریکی ٹینس اسٹار سرینا ولیمز کے ہونے والے بچے پر نسلی تبصرہ کرنے کی وجہ س رومانیہ کے اسٹار ٹینس اسٹار ایلی نستاسے کو فیڈ کپ سے باہر کر دیا گیا ہے۔رومانیہ فیڈ کپ ٹیم کے 70سالہ کپتان نستاسے کو عالمی گروپ پلے آف میں کونس ٹانٹا میں چل رہے مقابلے سے باہر کر دیا گیا ہے ،جہاں ان کی ٹیم کا مقابلہ برطانیہ سے ہو رہا ہے۔نستاسے نے امپائر، برطانوی کپتان اور ایک مہمان کھلاڑی کے خلاف بھی نازیبا تبصرہ کیا تھا ۔دنیا کے سابق نمبر ایک کھلاڑی نستاسے نے امریکی سپر اسٹار سرینا ولیمز کے خلاف قابل اعتراض تبصرہ کیا تھا۔سرینا پہلی بار ماں بننے والی ہیں،بین الاقوامی ٹینس فیڈریشن (آئی ٹی ایف)نے کہا کہ نستاسے کو شدید قابل اعتراض رویے کی وجہ سے برطانیہ کے خلاف میچ سے باہر کر دیا گیا ہے۔جب کونٹا اور سورانا کرسٹیا کے درمیان میچ میں چل رہا تھا، تبھی امپائر نے دو بار نستاسے کو ان کے غلط رویے کے لیے خبردار کیا ،تو وہ امپائر ہی پر بھڑک گئے تھے، اس کی وجہ سے کھیل کو 25منٹ تک روکنا پڑا، اس کے بعد نستاسے کو وہاں سے باہر کر دیا گیا۔وہیں آئی ٹی ایف نے اپنے ایک بیان میں کہا کہ ان کا ایکریڈیشن واپس لے لیا گیا ہے اور اس مقابلے میں آگے ان کا کوئی رول نہیں ہو گا ۔