میکے ڈاٹ منصوبے پر سابق وزرائے اعلیٰ اور وزیر آبپاشی کی میٹنگ

Source: S.O. News Service | By Jafar Sadique Nooruddin | Published on 7th December 2018, 3:14 AM | ریاستی خبریں |

بنگلورو:6/دسمبر (ایس او نیوز) مضافات بنگلور میکے ڈاٹ میں آبی ذخیرے کی تعمیر کا منصوبہ پیش کرنے ریاستی حکومت کو مرکزی آبی کمیشن کی ہدایت کے بعد اس معاملے پر تنازعہ کھڑا کرنے تملناڈو کی مبینہ کوشش اور اس سلسلے میں کرناٹک کی قانونی جنگ پر تبادلۂ خیال کے لئے آج وزیراعلیٰ ایچ ڈی کمار سوامی نے ایک کل جماعتی اجلاس کا اہتمام کیا۔ اجلاس میں سابق وزرائے اعلیٰ سدرامیا، جگدیش شٹر، ریاستی وزیر ڈی کے شیوکمار، سابق وزیر ایچ کے پاٹل، بی جے پی لیڈر کے ایس ایشورپا اور دیگر نے شرکت کی۔ تملناڈو حکومت کی طرف سے میکے ڈاٹ مسئلے پر تبادلۂ خیال کے لئے وہاں کی اسمبلی کا خصوصی اجلاس طلب کرنے کے فیصلے کو بھی میٹنگ میں زیر بحث لایا گیا۔ میٹنگ میں وزیر اعلیٰ کمار سوامی نے بتایاکہ میکے ڈاٹ میں آبی ذخیرے کا جو منصوبہ مرتب کیا جارہاہے وہ صرف پینے کے پانی کے لئے ہے۔ تملناڈو حکومت کی طرف سے اس منصوبے کی مخالفت کو انہوں نے زیادتی قرار دیا اور کہاکہ تملناڈو کی طرف سے اس سلسلے میں ایک خصوصی رٹ عرضی سپریم کورٹ میں دائر کی گئی ہے، ریاستی حکومت اس کا قانونی طریقے سے جواب دے گی۔ میٹنگ کے بعد اخباری نمائندوں سے بات چیت کرتے ہوئے وزیر برائے آبی وسائل ڈی کے شیوکمار نے بتایاکہ میکے ڈاٹ میں آبی ذخیرے کی تعمیر کے متعلق ابتدائی پراجکٹ رپورٹ مرکزی آبی کمیشن کو دی گئی ہے۔ اس کے مطابق پراجکٹ کی لاگت 5916کروڑ روپے ہے۔ انہوں نے کہاکہ پراجکٹ پر کام شروع کرنے کے لئے حکومت کرناٹک نے قدم بڑھادیا ہے، اب پیچھے ہٹنے کا کوئی سوال ہی نہیں۔ وزیر موصوف نے کہاکہ کاویری آبی تنازعہ ٹریبونل نے تملناڈو کے حصے میں کاویری کا جتنا پانی مقرر کیا ہے وہ تملناڈو کو بہادیا جائے گا۔ اس کے باوجود بھی کرناٹک میں آبی ذخیروں کی تعمیر روکنے کے لئے اگر کسی طرح کی کوشش کی گئی تو یہ تملناڈو کی زیادتی ہوگی۔ اس سلسلے میں ریاستی حکومت کی طرف سے قانونی جنگ میں پوری شدت کے ساتھ آگے بڑھنے کا اختیار وزیراعلیٰ کمار سوامی نے دیا ہے۔ انہوں نے کہاکہ تمام سیاسی جماعتوں نے اتفاق رائے سے زور دیا ہے کہ میکے ڈاٹ پراجکٹ پر کام جلد شروع کردیا جائے، تملناڈو کی طرف سے اس معاملے کو غیر ضروری طور پر سیاسی رنگ میں رنگنے پر میٹنگ میں افسوس ظاہر کیاگیا اور کہاگیا کہ جلد ہی مرکزی حکومت کو کرناٹک کی صورتحال سے آگاہ کرایا جائے گا۔ اور گزارش کی جائے گی کہ کرناٹک میں اس پراجکٹ پر کام شروع کرنے کی اجازت بلا تاخیر دی جائے۔

ایک نظر اس پر بھی

بنگلور میں ائرو انڈیا شو کے دوران پارکنگ احاطہ میں اچانک آگ؛ قابو پانے تک سوسے زائد سواریاں جل کر خاکستر

ائیرو انڈیا شوکے چوتھے دن بنگلور کے یلہنکا ائرفورس اسٹیشن کے پارکنگ والی جگہ پر اچانک آگ لگنے سے  150 سے زائد سواریاں شعلہ پوش ہونے کی اطلاع موصول ہوئی ہے۔ آگ لگنے کی یہ واردات آج سنیچر صبح پیش آئی۔

اکرم پاشاہ ہاسن ضلع کے نئے ڈپٹی کمشنر

ہاسن ضلع کے نئے ڈپٹی کمشنر اکرم پاشاہ آئی اے ایس نے آج عہدہ کا جائزہ لے لیا ۔ 2012ء میں آئی اے ایس افسر کی حیثیت سے ترقی پانے والے اکرم پاشاہ اس سے پہلے ساڑھے پانچ سال مائنارٹی ڈائرکٹوریٹ میں ڈائرکٹرکی حیثیت سے بہترین خدمات انجام دے چکے ہیں ۔

مرکزی ریلوے وزیر پیوش گوئل کی موجودگی میں کمار سوامی نے سب اربن ریلوے کو منظوری دی

وزیر اعلیٰ ایچ ڈی کمار سوامی آج اپنے رہائشی دفتر کرشنا میں مرکزی وزیر برائے ریلوے و کوئلہ پیوش گوئل سے ملاقات کی ریاست میں کوئلہ ( ایندھن)کی فراہمی اور سب اربن ریلوے منصوبہ کے سلسلہ میں تبادلہ خیال کیا ۔

وقف بورڈ انتخابات : اب تک ماڈل بیلیٹ پیپر جاری نہ کرنے پرامیدوار برہم،الیکٹرول میں بوگس ووٹروں کو شامل کرنے کاالزام

کرناٹک اسٹیٹ وقف بورڈ کے 2مارچ کو ہونے والے انتخابات کیلئے ماڈ ل بیلٹ پیپر آج تیار کئے جانے کی اطلاع ملی ہے ، جبکہ یہ ماڈل بیلٹ پیپر 18فروری کو ہی تیار کیا جانا تھا، بروقت ماڈل بیلٹ پیپر نہ ملنے سے بیزار امیدوارانتخابی مہم چلانے دوروں پر نکل چکے ہیں۔

بی بی ایم پی میں چہرہ شناس بائیو میٹرک نظام ضروری گنڈنا کا مطالبہ۔افسران اور ملازمین کی جانب سے لاپروائی کئے جانے کا الزام

رواں سال کے بروہت بنگلورو مہانگر پالیکے( بی بی ایم پی) بجٹ میں کئے گئے اعلان کے مطابق چہرہ پر کھنے والے بائیو میٹرک نظام لازمی طورپر جاری کئے جانے سے ہی بہتر انتظامیہ ممکن ہے۔