بنگلور18مارچ(ایس او نیوز؍آئی این ایس انڈیا)سابق وزیرکرناٹک مسٹر سی گروناتھ کے فرزند رگھوناتھ کامبانور پر ان کے رشتہ داران نے حملہ کیا ہے۔ حملہ کی وجہ یہ بتائی گئی ہے کہ رگھوناتھنے چہارشنبہ کے دن فیس بک پر اپنیوالد کی موت پرشک کا اظہار کیا ہے۔رگھوناتھ کامبنور پر ان کے رشتہ داران نے جو حملہ کیا ہے اس کے سبب ان کا چہرہ شدید طور پر زخمی ہوگیا ہے ۔واضح رہے کہ دو سال قبل سابق وزیر سی گروناتھ کو بنگلور کے ایک ہسپتال میں شریک کروایا گیا تھا۔ لیکن انھوں نے ایک سہ منزلہ عمارت سے چھلانگ لگا کر خود کشی کرلی تھی ۔ لیکن ان کے فرزند کامبنور نے اپنے فیس بک کے بیان میں کہا ہے کہ ان کے والد نے خود کشی نہیں کی تھی بلکہ ان کی موت کے لئے ان کے والد کے بڑے بھائی کے لڑکے ذمہ دار ہیں۔ رگھوناتھ کامبانور کو اس کے رشتہ داران نے فیس بک پر سے مذکورہ بیان مٹادینے کے لئے وارننگ دی تھی ۔ لیکن انھوں نے یہ بیان فیس بک سے نہیں ہٹایا ۔ غصہ میں بھرے ہوئے کامبنور کے رشتہ داران ستیش اور اویناش نے اپنے دوستوں کے ساتھ کامبنور پر جے پر کالونی شاہ آباد میں حملہ کردیا ۔ شاہ آباد پولیس اسٹیشن میں شکایت اور شکایت کے خلاف بھی شکایت درج کرلی گئی ہے۔