پارٹی میں شمولیت کے سا تھ ہی پارٹی قیادت کا ’گن گان‘ شروع ، بہار میں نتیش کمار کے بغیر این ڈی اے کچھ بھی نہیں: اشوک چودھری
پٹنہ12جون ( ایس او نیوز؍آئی این ایس انڈیا ) کانگریس چھوڑ کر جد یو میں حالیہ شامل ہوئے اشوک چودھری نے کہا کہ نتیش کمار کی قیادت میں اس ریاست میں اگر اگلا لوک سبھا انتخابات نہیں لڑا گیا تو این ڈی اے کو نقصان پہنچے گا۔چودھری نے آج یہاں صحافیوں سے بات چیت کے دوران کہا کہ یہ سوال کہاں اٹھتا ہے کہ نتیش کو این ڈی اے کے چہرے کے طور پر بہار میں پیش کیا جائے یا نہیں، بلکہ حقیقت یہ ہے کہ این ڈی اے کو ان کا قیادت قبول کرنی پڑے گی؛ کیونکہ بہار میں اتحاد میں کوئی ایسا لیڈر نہیں جو ان کی طرح سب کو قابل قبول ہو۔انہوں نے کہا کہ اگر نتیش جی کو دوسرا مقام دیا جاتا ہے تو یہ ویسا ہی ہو گا کہ سب سے اچھے بلے باز کو 12 ویں کھلاڑی کے مقام پر رہنے کو کہا جائے اور اننگز کا آغاز کرنے کے لئے کم تجربہ کار کھلاڑی پر یقین کیا جائے۔انہوں نے کہا کہ اگر نتیش جی کو بہار میں این ڈی اے کے چہرے کے طور پر نہیں پیش کیا گیا تو اتحاد کو نقصان اٹھانا پڑے گا اور اس کا اندازہ ہم گزشتہ بہار اسمبلی انتخابات سے لگا سکتے ہیں۔چو دھری کی اس تبصرہ پر بی جے پی کے سینئر لیڈر اور ریاست کے وزیر زراعت پریم کمار نے صرف اتنا ہی کہا کہ اگلا لوک سبھا انتخابات نریندر مودی کی قیادت میں لڑا جائے گا اور اس کو لے کر کوئی تنازعہ نہیں ہے ۔