تجارتی گھرانوں کے قرضہ جات معاف کرنے میں فراخدلی،کسانوں کے قرضہ جات معاف کرنے سے ملک ڈوب جائے گا: رمیش کمار

Source: S.O. News Service | By Shahid Mukhtesar | Published on 17th June 2017, 11:28 AM | ریاستی خبریں |

بنگلورو،16؍جون(ایس او نیوز) ریاستی وزیر صحت رمیش کمار نے مرکزی حکومت کی طرف سے بڑے بڑے کارپوریٹ گھرانوں کے قرضہ جات معاف کئے جانے کا معاملہ اٹھایا اور اسمبلی میں کہاکہ مرکزی حکومت نے انتہائی فراخدلی سے بڑے بڑے کارپوریٹ گھرانوں کے قرضہ جات معاف کردئے ، لیکن غریب کسانوں کے قرضہ جات معاف کرنے کا سوال اٹھایا گیا تو ایسا تاثر دینے کی کوشش کررہی ہے کہ ان کسانوں کے قرضہ جات معاف کردئے گئے تو ملک ڈوب جائے گا۔ آج اسمبلی میں مختلف محکموں کی مانگوں پر بحث کے دوران کمار سوامی کی تقریر میں مداخلت کرتے ہوئے انہوں نے کہا کہ کسانوں کے قرضہ جات کی معافی کا مسئلہ ریاست میں موضوع بحث بنا ہوا ہے، ہر کوئی اس پر بول رہا ہے، ریاست کے کوآپریٹیو اداروں سے صرف 20 فیصد کسانوں نے قرضہ حاصل کیا ہے،80 فیصد قرضے قومی بینکوں سے حاصل کئے گئے ہیں۔ کوآپریٹیو بینکوں کے قرضوں کو اگر معاف کیا گیا تو کسانوں کو کوئی فائدہ نہیں ہوگا۔ مرکزی حکومت اگر ان کسانوں کے قرضہ جات معاف کردے تو کافی لوگوں کو فائدہ ہوگا۔ کارپوریٹ طبقے پر اپنی شدید برہمی کا اظہار کرتے ہوئے رمیش کمار نے کہاکہ ایک دور تھاکہ جب اس ملک پر انگریزوں کی ایسٹ انڈیا کمپنی راج کررہی تھی، آج یہ دور ہے کہ مختلف کمپنیاں ملک پر راج کررہی ہیں۔ملک کا وزیر اعظم بھی وہی بنتا ہے، جسے یہ کمپنیاں چاہتی ہیں۔ اخبارات اور ٹی وی چینلس یہی کمپنیاں چلارہی ہیں۔پھر سچائی لوگوں تک کیوں کر پہنچے گی۔ ملک کے ہر ایک معاملے میں انہی کمپنیوں کی پالیسی مرتب ہورہی ہے۔ یہ لوگ چاہے جتنا بھی بڑا قرضہ کرلیں آسانی سے بچ نکلتے ہیں، کسان اگر قرضہ حاصل کرکے ادا نہ کرے تو اس کیلئے ایسے حالات پیدا کئے جاتے ہیں کہ وہ مجبوراً پھونسی لے لیتا ہے۔ خود کشی کرنے کے بعد بھی اس کسان کے ورثاء کو راحت نہیں ملتی ، ان کے اثاثے ضبط کرلئے جاتے ہیں ، جبکہ ہزاروں کروڑ روپے لوٹ کر ملک سے فرار لوگ عیش وآرام کی زندگی بسر کررہے ہیں۔ انہوں نے کہا کہ مرکزی حکومت اگر واقعی کسانوں کی ہمدرد ہے تو فوراً تجارتی بینکوں سے کسانوں کے قرضہ جات معاف کرے۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔