گوری لنکیش پر گولی چلانے والا پرشورام واگھمورے گجرات فورینسک لیباریٹری کی تصدیق، ایس آئی ٹی کی بڑی کامیابی
بنگلورو5ستمبر(ایس او نیوز) انتہائی سنسنی پیدا کردہ گوری لنکیش قتل معاملہ حل ہوتانظر آرہا ہے ۔ پولیس قاتل تک رسائی حاصل کرنے میں کامیاب ہوگئی ہے ۔ خصوصی تحقیقاتی ٹیم ( ایس آئی ٹی ) نے گوری پر گولیاں چلانے والے قاتل کے ثبوت وشواہد سمیت شناخت کرنے میں کامیابی حاصل کی ہے ۔ گجرات فورینسک سائنس لیباریٹری(ایف ایس ایل ) میں قاتل کی شناخت کے لئے پوڈیا ٹرک گیٹ انالیسس ٹیسٹ لیا گیا تو پرشورام واگھمورے کا پتہ چلا ۔ ٹیسٹ میں ثابت ہوا کہ پرشور ام نے ہی گوری پر گولیاں چلائیں ۔ 6سکینڈ پر مشتمل ویڈیو کلپ سے فورینسک گیٹ انالیسس کے ذریعہ قاتل کا پتہ لگایا گیا ۔ قاتل کا پتہ لگانے کیلئے ہندوستان میں پہلی مرتبہ فورینسک ٹیکنک کا استعمال کیا گیا ہے ۔ 18سال پہلے اس تکنیک کا استعمال لندن میں کیا گیا تھا ۔ اس طرح ایس آئی ٹی کو گوری لنکیش قتل معاملہ میں بڑی کامیابی ملی ہے۔ پرشورام کی گرفتاری سے قبل سی سی ٹی وی فوٹیج کی بنیادپر ملزم کی قدوقامت والے ڈی شخص انالیسس کیا گیا ۔ اس دوران ملزم کا قد5.2فیٹ ہونے کا پتہ چلا ، ملزم کے ہیلمیٹ اور شو کا حساب کرتے ہوئے 5.4قد ہونے کا اندازہ لگایا گیا ۔ اس کے علاوہ دیگر سراغ سے بھی امول کالے ، سجیت امیت ودیگر کے بیانات کی بنیاد پر پولیس نے پرشورام واگھمورے کی گرفتاری عمل میں لائی تھی۔ گرفتاری کے بعد پرشورام کو جائے واردات لے جایا گیا ،ہیلمٹ اور شو پہنا کر بائک چلانے کے ذریعہ قتل واردات کی نقل اتاری گئی ۔ یہ واردات گوری لنکیش کے گھر میں نصب صرف2سی سی کیمرے میں قید ہوئی تھی۔اس طرح گور لنکیش قتل واردات کو از سرنو واقعاتی شکل دے کر فورینسک لیباریٹری کو بھیجا گیا ، تفتیش وتحقیق کے بعد ایف ایس ایل نے تصدیق کی کہ واگھمورے نے گوری لنکیش کا قتل کیا ہے ۔