سرسی :16/جولائی (ایس اؤ نیوز) اترکنڑا ضلع سرسی تعلقہ کے اجمرنے اور بنواسی دیہات کو منسلک کرنے والا برج ،وردا ندی میں طغیانی کے سبب مکمل ڈوب جانے، فصل اور عوامی ملکیت کو بھاری نقصان پہنچنے کی اطلاعات موصول ہوئی ہیں۔
مسلسل برستی بارش کے سبب وردا ندی بھرپور بہنے سے سیلاب برپا ہواہے۔ ندی میں طغیانی کے سبب اجمرنی اور مگولی دیہاتوں کے کھیتوں میں پانی گھسنے سے پوری دھان فصل برباد ہوئی ہے۔ بتایا گیا ہے کہ قریب 400ایکڑ زمین سیلاب کی وجہ سے پانی پانی ہونے سے کسانوں کے ساتھ عوام کو بھی بھاری نقصان ہونے کا ذرائع نے خبردی ہے۔ اگر ندی میں پانی کا بہاؤ اور سطح میں اضافہ ہوتاہے تو پیشگی اقدامات کرنے کا افسران نے عندیہ دیا۔ جس کے چلتے ندی کنارے کے باشندوں کے لئے بازآباکاری مراکز کا قیام کرتے ہوئے انہیں منتقل کیا جائے گا۔