امن معاہدے کے لیے15روز ناکافی ہیں:یمنی وزیرخارجہ

Source: S.O. News Service | By Shahid Mukhtesar | Published on 23rd July 2016, 3:44 PM | خلیجی خبریں |

کویت سیٹی23جولائی(ایس او نیوز ؍آئی این ایس انڈیا)کویت میں جاری یمنی امن مشاورت میں شریک حکومتی وفد کا کہنا ہے کہ باغیوں کے وفد کی ہٹ دھرمی کی وجہ سے پندرہ روزکے اندر امن کا حتمی معاہدہ طے پانا خارج از امکان ہے۔یہ بات یمنی وزیر خارجہ عبدالملک المخلافی نے کویت کے اخبارالرای سے گفتگو کرتے ہوئے کہی۔ المخلافی (جو موریتانیہ میں عرب سربراہ اجلاس میں شرکت کے لیے کویت سے کوچ کرگئے ہیں)کے مطابق اگرحوثیوں نے اپنا موقف تبدیل نہیں کیاتواقوام متحدہ کے خصوصی ایلچی اسماعیل ولد احمد کی جانب سے کی جانے والی مشاورت کے معطل ہوجانے کا قوی امکان ہے۔ انہوں نے باور کرایا کہ حوثیوں کا لڑائی کی کارروائیاں مکمل طور پر روک دینے، امن اور تعاون کی کمیٹی کے علاوہ مقامی کمیٹیوں کو فعال بنانے ، انخلاء کی نگرانی کرنے والی عسکری کمیٹیوں کی تشکیل،ہتھیار حوالے کرنے،انسانی امدادات کے پہنچنے کے لیے پرامن گزرگاہوں کو کھولنے اورقیدیوں اورگرفتارشدگان سے متعلق کمیٹی کے کام کو سپورٹ کرنے پرآمادہ ہونا لازمی امرہے۔بات چیت میں شریک ذرائع نے انکشاف کیا ہے کہ باغیوں کے وفد کے سربراہ محمد عبدالسلام نے جمعرات کے روزہونے والے انفرادی اجلاس میں اقوام متحدہ کے ایلچی اسماعیل ولد الشیخ کو شدید تنقید کا نشانہ بنایا۔ عبدالسلام نے ولد الشیخ کے لیے نامناسب الفاظ استعمال کیے اور کویت کی جانب سے پندہ روز کی مہلت کے اعلان کا ذمہ دار ولد الشیخ کوٹھہرایا۔ذرائع نے تصدیق کی کہ حوثیوں کے ترجمان نے اقوام متحدہ کے ایلچی پر سرکاری وفد کے حق میں جانب داری اوراپنی ذمہ داری میں خیانت کے ارتکاب کا الزام عائد کیا۔علاوہ ازیں جمعے کے روز بھی اسماعیل ولد الشیخ کی جانب سے باغیوں کے وفد کے ارکان کے ساتھ منعقد کیے جانے والے دوسرے انفرادی اجلاس میں بھی کشیدگی کی فضا چھائی رہی۔اجلاس کا مقصد باغیوں کو سنجیدہ مشاورت میں داخل ہونے کے لیے آمادہ کرنے کی کوشش کرنا تھا۔

ایک نظر اس پر بھی

ابوظبی میں منعقدہ تلاوت قران کے قرات مقابلے میں بھٹکلی بچوں کا شاندار پرفارمینس

انڈین اسلامک سینٹر ابوظبی کے زیراہتمام منعقدہ تلاوت قران کے قرات  مقابلے میں مرکز النوائط ابوظبی کی نمائندگی کرتے ہوئے بھٹکل کے دو بچوں نے شاندار پرفارمینس پیش کرتے ہوئے بھٹکل سمیت   پورے ملک  کا نام روشن کردیا۔ مقابلے میں فردوس بنت آفتاب ایم جے نے دوسرا مقام حاصل کیا جبکہ ...

تہوار کے موسم میں گلف - منگلورو ہوائی کرایہ آسمان چھو گیا - دبئی سے منگلورو ایک طرفہ کرایہ ہوگیا 70 ہزار روپے !

موسم گرما کی چھٹیاں ، ایسٹر، یوگادی اور عید کے تہواروں کا موسم قریب آتے ہی دبئ سے منگلورو تک کا ہوائی کرایہ آسمان کو چھونے لگا ہے جس کی وجہ سے  جو ایک طرفہ کرایہ زیادہ سے زیادہ 30 ہزارو روپے تک چل رہا تھا اب بڑھ کر 70 ہزار روپوں کے نشان تک پہنچ گیا ہے ۔    

سعودی عربیہ میں المناک سڑک حادثہ؛ منگلورکے ایک ہی خاندان کے چار لوگوں کی موت

ریاض کے مضافاتی علاقہ زُلفیٰ میں پیش آئے ایک المناک کار حادثے میں مینگلورو کے ایک ہی خاندان کے 4 افراد جاں بحق ہوگئے، جن میں 3 ماہ کا بچہ بھی شامل ہے۔ حادثہ بدھ کی شب کو اُس وقت پیش آیا جب یہ لوگ عمرہ  کے لیے قطر سے مدینہ منورہ (سعودی عرب) جا رہے تھے۔ 

بھٹکل مسلم جماعت دبئی کے لیے نئے عہدیداران کا انتخاب: شہریار خطیب صدر اور جیلانی محتشم بنے جنرل سکریٹری

جماعت کے سرگرم رکن جناب شہریار خطیب گلف کی بھٹکلی جماعتوں میں سب سے زیادہ مضبوط اور سرگرم سمجھی جانے والی بھٹکل مسلم جماعت کے صدرمنتخب ہوگئے ، جبکہ جناب جیلانی محتشم جنرل سکریٹری کے عہدہ پر فائز ہوگئے ہیں۔ نائب صدر کے عہدہ پر عمران خطیب، سکریٹری اول کے طور پرعبدالوسیع خلیفہ، ...

سعودی عربیہ میں چاند نظر آگیا؛ سعودی سمیت عرب امارات، بحرین اور دیگر گلف ممالک میں رمضان کا اعلان؛ عمان میں ایک دن بعد یعنی منگل کو ہوگا پہلا روزہ

سعودی عربیہ میں آج اتوار شام کو چاند نظر آنے کے بعد سعودی عربیہ سمیت  متحدہ عرب امارات، قطر، بحرین اور کویت  میں    رمضان کا اعلان کیا گیا ہے۔البتہ مسقط میں رویت ہلال ثابت نہیں ہوا، اس لئے وہاں رمضان کا اعلان نہیں ہوا ہے۔

دبئی سمیت عمان میں بھی گرج چمک کے ساتھ طوفانی بارش

  دبئی سمیت متحدہ عرب امارات کی مختلف شہروں  میں موسلا دھار بارش  ہونے سے کئی علاقوں میں سڑکوں پر پانی جمع ہوگیا ہے۔ عرب میڈیا کے مطابق  ہفتہ کی صبح  دبئی ،ابو ظبی، فجیرا اور دیگر علاقوں میں گرج چمک کے ساتھ موسلا دھار بارش ہوئی جبکہ دبئی کے مختلف علاقوں میں طوفانی بارش کے ...