عباس ملیشیا کی تحویل میں پانچ فلسطینی صحافیوں کی بھوک ہڑتال جاری

Source: S.O. News Service | Published on 12th August 2017, 9:27 PM | عالمی خبریں |

مقبوضہ بیت المقدس،12اگست(ایس او نیوز/آئی این ایس انڈیا)فلسطینی اتھارٹی کی ماتحت پولیس کی جانب سے حراست میں لیے گئے پانچ سینئر صحافیوں نے اپنی بلا جواز گرفتاری کے خلاف بہ طور احتجاج بھوک ہڑتال شروع کی ہے۔عباس ملیشیا کے انٹیلی جنس حکام نے جمعرات کے روز غرب اردن سے پانچ فلسطینی صحافیوں کو حراست میں لیا تھا۔ بعد ازاں انہیں ’عوامی تحفظ کو نقصان پہنچانے‘ کے الزام میں جیل میں ڈال دیا ہے۔اسیر صحافی ممدوح حمارہ کے اہل خانہ نے بتایا کہ فلسطینی پراسیکیوٹر کی ہدایت پرحمامرہ اور اس کے دیگر چار ساتھیوں کو پندرہ روز کے لیے پولیس کی تحویل میں دے دیا گیا ہے۔ اہل خانہ کا کہنا ہے کہ زیرحراست صحافیوں پر سائبر قانون کے آرٹیکل بیس کی خلاف ورزی کا الزام عاید کیا گیا ہے۔اس نام نہاد قانون کے تحت فلسطینی اتھارٹی کے خلاف کسی قسم کا مواد نشر یا شائع کرنے کو قومی سلامتی کو خطرے میں ڈالنے کے مترادف قرار دے کر ایسا کرنے والے افراد کے خلاف سخت قانونی کارروائی کی سفارش کی گئی ہے۔
ادھر قدس پریس کے مطابق صحافی ممدوح حمامرہ اور اس کے ساتھیوں نے اپنی بلا جواز گرفتاری اور پولیس کے حوالے کیے جانے کے خلاف بہ طور احتجاج بھوک ہڑتال شروع کی ہے۔قدس پریس کے مطابق الخلیل کی مجسٹریٹ عدالت نے صحافی قتیبہ قاسم کو پانچ روز کے لیے پولیس کی تحویل میں دے دیا گیا ہے۔ صحافی احمد حلایقہ کو 10 روز، عامر ابو عرفہ کو سات اور طارق ابو زید کو 15 دن تک پولیس کی تحویل میں رکھنے کا حکم دیا گیا ہے۔پانچوں فلسطینی صحافیوں نے اپنی بلا جواز گرفتاری کے خلاف بہ طور احتجاج گذشتہ تین روز سے بھوک ہڑتال جاری رکھی ہوئی ہے۔
 

ایک نظر اس پر بھی

انجلینا جولی کی عید پرعراق کے شہر موصل کے پناہ گزینوں سے ملاقات

اقوام متحدہ کی پناہ گزین کی خصوصی ایلچی انجلینا جولی نے عراق میں دہشت گردی سے سب سے متاثرہ علاقے موصل کا دورہ کیا اور عالمی برادری سے تباہ حال شہر کے بے گھر رہائشیوں کی دوبارہ اپنے گھروں میں آبادکاری کے لیے مدد کی اپیل کی ہے۔

ننگر ہار: طالبان پر خودکش حملے میں ہلاکتوں کی تعداد 36 ہو گئی

صوبہ ننگرہار میں کے محکمہ صحت کے ڈائریکٹر نجیب اللہ کماوال کے حوالے سے کہا ہے کہ ہفتہ کو ہونے والے اس حملے میں 65 افراد زخمی بھی ہوئے۔افغان حکام نے کہا ہے کہ جنگ بندی کے دوران مشرقی صوبہ ننگرہار میں افغان جنگجوؤں کے ایک اجتماع پر خودکش حملے میں ہلاکتوں کی تعداد 36 ہو گئی ہے۔

جاپان میں.1 6 شدت کا زلزلہ، تین افراد ہلاک

اوساکا اور اس کے گرد و نواح کا شمار جاپان کے اہم ترین صنعتی مراکز میں ہوتا ہے اور زلزلے کے بعد علاقے میں واقع بیشتر کارخانوں میں کام بند کردیا گیا ہے۔جاپان کے دوسرے بڑے شہر اوساکا میں آنے والے 6.1شدت کے زلزلے سے اب تک تین افراد کے ہلاک ہونے کی تصدیق ہوگئی ہے۔

نیو جرسی: آرٹ فیسٹول میں فائرنگ، حملہ آور ہلاک

امریکہ کی ریاست نیو جرسی میں ایک آرٹ فیسٹول کے دوران فائرنگ سے 22 افراد زخمی ہوگئے ہیں جب کہ ایک مبینہ حملہ آور مارا گیا ہے۔حکام کے مطابق واقعہ اتوار کو نیوجرسی کے شہر ٹرینٹن میں پیش آیا جہاں رات بھر جاری رہنے والے آرٹ فیسٹول کے دوران دو متحارب گروہ آپس میں لڑ پڑے۔

افغان طالبان کا جنگ بندی میں توسیع سے انکار

افغان طالبان نے کہا ہے کہ افغان سکیورٹی فورسز سے تین روزہ جنگ بندی کے خاتمے کے بعد اس میں مزید توسیع نہیں کی جائے گی۔فرانسیسی خبر رساں ادارے ’اے ایف پی‘ نے طالبان کے ترجمان ذبیع اللہ مجاہد کے حوالے سے کہا ہے کہ جنگ بندی 17 جون کی رات ختم ہو رہی ہے جس کے بعد طالبان کی کارروائیاں ...

ترک فوج کی عراق میں بمباری، 35 کرد جنگجو ہلاک

ترکی کی مسلح فوج نے ایک بیان میں دعویٰ کیا ہے کہ عراق کے شمالی علاقے جبل قندیل میں کرد علاحدگی پسند گروپ کردستان ورکرز پارٹی "PKK" کے ٹھکانوں پر بمباری کے نتیجے میں کم سے کم 35 کرد باغی ہلاک ہو گئے ہیں۔