دہلی میں پانچ منزلہ عمارت منہدم ، سات ہلاک، متعدد زخمی

Source: S.O. News Service | By Shahid Mukhtesar | Published on 27th September 2018, 12:29 PM | ملکی خبریں | ان خبروں کو پڑھنا مت بھولئے |

نئی دہلی،27؍ ستمبر (ایس او نیوز) شمال مغربی دہلی کے اشوک ویہار میں آج ایک پانچ منزلہ عمارت منہدم ہوگئی جس کے نتیجہ میں سات افراد بشمول دو خواتین اور چار بچے ہلاک اور دیگر سات زخمی ہوگئے۔ زخمیوں کو دین چند بندھو ہاسپٹل میں شریک کیا گیا ہے، جہاں ایک خاتون کی حالت تشویشناک بتائی گئی ہے۔ اس عمارت کے گراؤنڈ فلور پر واقع ایک دوکان انہدام کے وقت بند تھی۔ پہلی منزل مخلوعہ تھی۔ دوسری منزل پر ایک خاندان مقیم تھا۔ مہلوک بچوں میں 10 سال کی عمر کے دو بھائی بھی شامل ہیں۔ تیسری منزل پر دو خاندان مقیم تھے اور مہلوکین میں اس منزل کے ایک گھر میں رہنے والی ایک خاتون شامل ہے۔ دوسرے گھر کے خاندان کے دو بچے فوت ہوئے ہیں۔ چوتھی منزل پر ایک جوڑا نانتھورام اور نیشا رہتے تھے۔ نیشا کی حالت تشویشناک ہے۔ دواخانہ میں زیرعلاج ایک زخمی ویملیش نے کہا کہ جیسے ہی میں گھر پہنچا، چند میٹر آگے ہی بڑھا تھا کہ ایک زوردار آواز سنائی دی اور میں فوراً پلٹ گیا۔ میں نے دیکھا کہ یہ عمارت تاش کے پتوں کی طرح بیٹھ گئی۔ میں اپنے ارکان خاندان کی حالت کے بارے میں واقفیت کا منتظر ہوں۔ مقامی افراد نے کہا کہ اس عمارت کے قریب شیشم کا درخت تھا جو عمارت کے ساتھ گر پڑا۔

ایک نظر اس پر بھی

کورٹ نے راجیو سکسینہ کو بیرون ملک جانے کی اجازت دینے والے عدالت کے فیصلے پر روک لگائی

سپریم کورٹ نے آگسٹا ویسٹ لینڈ ہیلی کاپٹر سودے سے منسلک منی لانڈرنگ معاملے میں سرکاری گواہ راجیو سکسینہ کو دیگر بیماریوں کا علاج کرانے کے لئے بیرون ملک جانے کی اجازت دینے کے دہلی ہائی کورٹ کے حکم پر بدھ کو روک لگا دی

جانوروں پر حکومت کی مہربانی۔اب دوپہر 12تا3بجے کے دوران رہے گی کھیتی باڑی کی مشقت پر پابندی

کھیتی باڑی اور دیگر محنت و مشقت کے کاموں میں استعمال ہونے والے مویشیوں پر ریاستی حکومت نے بڑے مہربانی دکھاتے ہوئے ایک سرکیولر جاری کیا ہے کہ گرمی کے موسم میں تپتی دھوپ کے دوران دوپہر 12سے 3بجے تک کسان اپنے جانوروں کو کھیت جوتنے یا دوسرے مشقت کے کاموں میں استعمال نہیں کرسکیں گے۔

دُبئی میں 18 برس سے کم عمر بچوں کی ویزہ مفت؛ 15 جولائی سے 15 ستمبر تک رہے گی سہولیت

 متحدہ عرب امارات میں سیاحتی سیزن کے دوران غیر مُلکی سیاحوں کے 18 برس سے کم عمر بچوں کے لیے مفت ویزے کی سہولت فراہم کی جا رہی ہے۔ یہ اعلان فیڈرل اتھارٹی فار آئیڈینٹٹی اینڈ سٹیزن شپ کی جانب سے کیا گیا ہے۔ دُبئی میں ہر سال سیاحتی سیزن کا آغاز 15 جولائی سے ہوتا ہے جو 15 ستمبر تک جاری ...