بھٹکل مخدوم کالونی کے ایک مکان میں بھیانک آگ؛ گھر کی اشیاء جل کر خاک؛ لاکھوں مالیت کا نقصان

Source: S.O. News Service | By I.G. Bhatkali | Published on 21st November 2017, 9:18 PM | ساحلی خبریں | ان خبروں کو پڑھنا مت بھولئے |

بھٹکل 21/ نومبر (ایس او نیوز)  یہاں مخدوم کالونی ، صفا اسٹریٹ میں  واقع ایک کھپریل کے مکان کو اچانک آگ لگ جانے سے پورا مکان اور اس میں موجود اشیاء جل کر خاکستر ہوگئی ۔ واقعہ منگل شام قریب 6:30 بجے پیش آیا۔

گھر مالکن شفیق النساء محمد خلیل شیخ نے بتایا کہ وہ اپنی دو بیٹیوں  کے ساتھ پڑوس کے گھر میں تھی، ان کے دو بیٹے بھی باہر گئے ہوئے تھے  کہ اچانک گھر میں آگ کے شعلے بلند ہوتے دیکھا، فوری طور پر فائر بریگیڈ کو خبر کی گئی، مقامی لوگ بھی اس دوران کثیر تعداد میں جمع ہوگئے اور آگ پر قابو پانے کی کوششوں میں مصروف ہوگئے۔

مقامی لوگوں نے بتایا کہ گھر کے اندر دو گیس سلینڈر تھے، جس میں ایک سلینڈر کے پائپ کو آگ لگ چکی تھی، مگر نوجوانوں نے فوری طور پر گھر کے اندر گھس کر اُس پائپ کو الگ کرتے ہوئے سلینڈر کو باہر نکالا، بعد میں دوسرے سلینڈر کو بھی باہر نکالا گیا، جس سے ایک بڑا حادثہ ہوتے ہوتے رہ گیا۔

اطلاع ملتے ہی فائر بریگیڈ بھی موقع پر پہنچ گئی اور آگ کو مزید پھیلنے سے روکنے میں کامیاب ہوگئی۔ مگر اُس وقت تک  گھر کی چھت جل کر تباہ ہوچکی تھی، جبکہ گھر کے اندر موجود فریج، واشنگ مشین، گرینڈر، جوسر، ضروری کاغذات، چاول اور دیگر اشیاء سمیت کپڑے بھی جل کر خاک ہوچکے تھے۔ آگ لگنے سے  لاکھوں مالیت کے نقصان کا اندازہ لگایا گیا ہے۔

شبہ ہے کہ شارٹ سرکیوٹ سے آگ لگی ہوگی۔

اطلاع ملتے ہی بھٹکل ٹائون پولس کے اہلکار بھی موقع واردات پر پہنچ گئے تھے۔

ایک نظر اس پر بھی

اترکنڑا ورکنگ جرنالسٹ اسوسی ایشن کے زیرا ہتمام ماحولیاتی تحفظ ورکشاپ کا انعقاد

ماحولیات سے لگاؤ، تحفظ،چیلنج اور حل کے سلسلے میں منعقد کیا گیا یہ ورکشاپ بہت ہی مفید ہے، اس ورکشاپ سے عوام ماحولیات کے متعلق جوبھی غلط فہمی ہے اس کو دور کرنے میں معاون ہونے کا رکن اسمبلی سنیل نائک نے خیال ظاہرکیا۔

بھٹکل کی لائن اسپورٹس سنٹر’اسکوائر آر ایس اے T20ٹورنامنٹ‘ کی چمپئین:فائنل میں 40رنوں سے رایل کو شکست

منکی کے کوچاپو میدان میں آر ایس اے منکی کی طرف سے منعقدہ ٹی 20کرکٹ ٹورنامنٹ کے فائنل مقابلے میں لائنس اسپورٹس سنٹر نے رایل اسپورٹس سنٹر کو 40رنوں سے شکست دے کر ’اسکوائر آر ایس اے چمپئین ٹروفی ‘ کا خطاب جیتا۔

بھٹکل: شرالی میں ہائی وے کی توسیع کے دوران ہنگامہ؛ پولس کی لی گئی مدد؛ عوامی مخالفت نظرانداز؛ 30میٹرکی ہی توسیع کے ساتھ کام شروع

شرالی میں قومی شاہراہ کی تعمیر 45میٹر کی توسیع کے ساتھ ہی کی جائے ، کسی حال میں بھی توسیع کو 30میٹر تک کم کرنے نہیں دیں گے۔  مقامی  عوام کی سخت مخالفت کے باوجود ضلع انتطامیہ بدھ کو 30 میٹر کی توسیع کے ساتھ شاہراہ تعمیری کام کی شروعات کی۔

اڈپی ضلع مسلم متحدہ محاذ کی طرف سے ’معززین‘ کی کانفرنس۔اسلام کے تعلق سے’ سچائی گھر گھر تک‘پہنچانے کی مہم ہوگی شروع۔ یاسین ملپے کاخطاب

برہماور کے آڈیٹوریم میں منعقدہ معززین کی کانفرنس سے خطاب کرتے ہوئے اڈپی ضلع مسلم متحدہ محاذکے صدر یاسین ملپے نے کہا کہ اسلام کے تعلق ’سچائی گھر گھر تک‘ پہنچانے کی مہم شروع کی جارہی ہے۔اس تعلق سے مساجد کے صدوراور خطباء کو اس مہم میں زیادہ سے زیادہ دلچسپی لینی چاہیے۔ضلع کی ...

اکھلیش کو الہ آباد یونیورسٹی کے پروگرام میں جانے سے روکاگیا، مایاوتی نے کہا اتحاد سے گھبرا گئی ہے بی جے پی 

الہ آباد یونیورسٹی میں طلبہ یونین کے سالانہ پروگرام میں شرکت کرنے جا رہے سماج وادی پارٹی کے سربراہ اکھلیش یادو کو لکھنؤ ہوائی اڈے پر ہی روک دیئے جانے کی بی ایس پی سربراہ مایاوتی نے بھی مذمت کی ہے۔