جوئیڈا کے جنگلات میں آگ بھڑکنےکے واقعات : فطری دولت کو نقصان
جوئیڈا:11؍فروری (ایس او نیوز)فاریسٹ محکمہ کے افسران کی بے توجہی اور غفلت سے تعلقہ کے جنگل میں آگ لگنے سے جنگلات اور جانوروں کے تحفظ کو لےکر خطرہ پیداہونے والے واقعات پیش آرہے ہیں۔
اتوار کی دوپہر قریب تین بجے کالی ہولی یوجنا علاقے میں الوی مین روڈ پر کال سائی سے بھیم گالی تک آگ لگنے سے دسیوں ہیکڑ جنگل پوری طرح جل کر خاک ہوگیا ہے۔ جنگل میں بھیانک آگ دہک رہی تھی جنگل جل رہاتھا لیکن وہاں کوئی بھی سکیورٹی گار ڈ نہیں تھا، فاریسٹ افسران سمیت کسی کو بھی اس کا پتہ نہیں تھا ادھر جنگل آگ سے بھسم ہوتا دیکھا گیا۔ یہ علاقہ یعنی کالی ہُلی یوجنا کاعلاقہ الوی مین روڈ سے متصل ہے، گزشتہ دوبرس پہلے بھیانک بھڑکی آگ کے واقعے کو دیکھتے ہوئے یہاں ترجیحاتی بنیادوں پر تحفظاتی اقدامات کرنے تھے۔ لیکن عوام کا الزام ہے کہ فاریسٹ افسران ان دیکھی کرتے ہوئے کوئی اقدا م نہیں کیا۔ باربار جنگل میں آگ لگنے سے جنگلات کو نقصان ہورہاہے لیکن فاریسٹ افسران ایسی گہری نیند میں ہیں کہ انہیں کوئی پتا نہیں۔
کالی ہلی یوجنا علاقے کے تمام زونس کو 40سے زائد سکیورٹی گارڈ کی تقرری کے لئے رقم منظور ہوئی ہے ، سرکار دومہینے پہلے ہی اصول بنایا ہے کہ سکیورٹی گارڈ کے اکاؤنٹ کو یومیہ 320روپئے جمع کیا جانا چاہئے۔ اس کے باوجود ابھی تک علاقے میں کوئی ایک بھی سکیورٹی گارڈ کو نامزد نہیں کئے جانے کی اطلاعات موصول ہوئی ہیں۔ اس سلسلے میں جب پنسولی علاقے کے فاریسٹ افسر سے موبائیل پر رابطہ کیاگیا تو انہوں نے کہاکہ واقعہ کی جانچ کرتے ہوئے آگ پر قابو پانے کی کوشش کی جائے گی۔