سرسی میں ہوئے ایک سڑک حادثہ میں بھٹکل کا ایک نوجوان شدید زخمی؛ عوام الناس سے مالی تعائون کی اپیل
بھٹکل 31/جنوری (ایس او نیوز) تین روز قبل 28 جنوری کو سرسی میں ہوئے ایک سڑک حادثے میں ایک شخص کی موقع پر موت واقع ہوگئی تھی ،جبکہ دوسرا شخص شدید زخمی ہوگیا تھا، جسے ہبلی کے Tatwadarsha اسپتال میں داخل کیا گیا ہے۔ گھروالوں نے بتایا کہ زخمی محمد سلیم ابوبکر مُلا (35) بھٹکل تینگنگونڈی کا رہنے والا ہے، شادی کے بعد بینگلور میں ہی ملازمت کرتے ہوئے وہیں رہائش پذیر تھا۔ اس کے دونوں ہاتھوں کو فریکچر ہوا ہے، کندھے کی ایک ہڈی ٹوٹ گئی ہے، سر پر بھی چوٹ لگی ہے اور ایک پائوں بھی ٹوٹ گیا ہے۔ اس کے علاج کے لئے قریب دس لاکھ کا خرچہ آنے کا اندیشہ ظاہر کیا گیا ہے، جس کو لے کر گھروالے بے حد پریشان ہیں۔
گھروالوں نے بتایا کہ اب تک چار آپریشن کامیابی کے ساتھ مکمل ہوچکے ہیں، مزید چار آپریشن کرنے باقی ہیں۔ گھروالوں نے صاحب خیر حضرات سے درخواست کی ہے کہ اس نوجوان کے علاج کے لئے اپنی طرف سے ہرممکن مدد کریں۔
گھروالوں کے مطابق تین سال قبل ہی محمد سلیم کی شادی کمٹہ کی ایک لڑکی کے ساتھ ہوئی تھی، اس کو دو سال کی ایک بچی بھی ہے۔ سلیم کے والد معذور ہے اور فرزند کے حادثے کی اطلاع کے بعد ماں بھی بیمار پڑگئی ہے۔
یاد رہے کہ محمد سلیم اپنے سسر کے ساتھ کمٹہ سے سرسی جانے کے دوران حادثہ پیش آیا تھا، جس میں ان کے سسر ابومحمد بھنڈی کی موقع پر ہی موت واقع ہوگئی تھی۔
محمد سلیم کے علاج کے لئے جو لوگ تعائون کرنا چاہتے ہیں ، برائے کرم بھٹکل میں مُبشر حُسین ہلارے سے موبائل نمبر 18849 99728 91+ پر رابطہ کرسکتے ہیں۔ دبئی میں اگر کوئی اپنی طرف سے مالی تعائون کرنا چاہتے ہوں تو برائے کرم جیلانی محتشم سے موبائل نمبر 5584203 050 پر رابطہ کرسکتے ہیں۔ جدہ میں جناب عبدالسلام دامودی سے موبائل نمبر : 7587 377 050 ، ریاض میں جناب نصیف ائیکری سے موبائل نمبر 5493 164 053 پر رابطہ کرسکتے ہیں۔کمٹہ میں اگر کوئی ہیلپ کرنا چاہیں تو برائے کرم ساحل آن لائن کمٹہ کے نمائندے جناب محمد سجاد قاضی سے موبائل نمبر 12220 99455 91+ پر رابطہ کرسکتے ہیں۔
