بھٹکل 23/مئی  (ایس او نیوز) رکشہ چلا کر اپنا اور اپنے خاندان کو سنبھالنے والا ساجد احمد ابن شریف اس وقت مینگلور کے ایک پرائیویٹ اسپتال کے انتہائی نگہداشت والے کمرے میں  ایڈمٹ ہے، جہاں اُس کے جسم کا ایک حصہ ناکارہ ہوگیا ہے۔ ڈاکٹروں کی صلاح پر ایک آپریشن ہوچکا ہے، مزید علاج درکار ہے۔ آپریشن کا خرچ قریب پانچ لاکھ روپیہ ہے، جبکہ آئی سی یو اور دوائیوں  پر روزانہ آٹھ سے دس ہزار روپئے  کا بل  بن رہا ہے۔

40 سالہ ساجد احمد  کے چھ بچے ہیں، وہ آزاد نگر ففتھ کراس، جالی روڈ کا ساکن ہے۔  اس کے بھائی محمد صادق شریف  نے عوام الناس سے درخواست کی ہے کہ رمضان کے اس بابرکت مہینے میں ساجد کی مالی طور پر مدد کریں۔ ان کے مطابق  ان کا بھائی ساجد احمد گھر کا واحد کفیل ہے، گھر کے اخراجات کے ساتھ علاج کے اخراجات پورا کرنا ممکن نہیں ہے۔ ساجد احمد مینگلور کے انڈیانا اسپتال میں ایڈمٹ ہے۔

قارئین سے درخواست کی جاتی ہے کہ  ساجد احمد کی صحت یابی کے لئے نہ صرف دُعا کریں بلکہ ہرممکن مالی طور پر بھی مدد کریں۔ان کے بھائی محمد صادق سے موبائل نمبر 9980888740 پر رابطہ کیا جاسکتا ہے۔

ساحل آن لائن کے ذریعے اگر کوئی مدد کرنا چاہیں تو برائے کرم مبشر حُسین  ہلارے سے موبائل نمبر  9972818849 91+ پر رابطہ کیا جاسکتا ہے۔