فیفا عالمی کپ: برازیل ساتویں مرتبہ کوارٹر فائنل میں

Source: S.O. News Service | By Shahid Mukhtesar | Published on 3rd July 2018, 12:26 PM | اسپورٹس |

سمارا 3؍جولائی(یو این آئی) کرشمائی فارورڈ نیمار اور فارمینو کے ایک ایک گول کی بدولت پانچ بار کی چمپئن برازیل نے میکسیکو کو پیرکے روز 0۔2 سے ہراکر فیفا عالمی کپ فٹ بال ٹورنامنٹ کے کوارٹر فائنل میں جگہ بنا لی ہے۔

برازیل نے اس شاندار جیت سے اس ورلڈ کپ میں بڑی ٹیموں کےباہر ہونے کا سلسلہ تھام لیا۔ ورلڈ کپ کی نمبر ایک ٹیم جرمنی، دو بار کی چمپئن ارجنٹینا، ایک بار کی چمپئن اسپین اور یورو چمپئن پرتگال عالمی کپ سے رخصت ہوچکے ہیں۔ لیکن برازیل نے میکسیکو کو کوئی الٹ پھیر کرنے کا موقع نہیں دیا۔ برازیل کا کوارٹر فائنل میں بلجیم یا جاپان کے درمیان میچ کے فاتح سے ہوگا۔

دنیا کی دو سب سے بڑے فارورڈ لیونل میسی اور کرسٹیانو رونالڈو کے راؤنڈ 16 میں باہر ہوجانے کے بعد ایک اور اسٹار فارورڈ نیمار کا جلوہ عالمی کپ میں بنا ہوا ہے۔ میکسیکو نے گروپ مرحلے میں جرمنی کو ہرایا تھا لیکن برازیل نے میکسیکو کو راؤنڈ 16 میں ہرادیا۔

برازیل کی ٹیم مسلسل 13ویں بار گروپ مرحلہ پار کرکے ناک آؤٹ میں کھیل رہی تھی اور گزشتہ 19 عالمی کپ میں 17 ویں بار کوارٹر فائنل میں پہنچی ہے۔ میکسیکو کا اس ہار سے 1970 اور 1986 کے بعد پہلی بار کوارٹر فائنل میں جانے کا خواب ٹوٹ گیا۔ میکسیکو اس طرح مسلسل ساتویں بار راؤنڈ 16 سے ہی باہر ہوگیا۔

جب پہلے ہاف میں کوئی گول نہیں ہوا تو ایک بار الٹ پھیر کا خدشہ پیدا ہونے لگا لیکن نیمار نے 51 ویں منٹ میں برازیل کا پہلا گول کردیا۔ نیمار نے ایڑی سے ولین کو پاس دیا جنہوں نے نیچا ریٹرن کراس واپس نیمار کو دیا اور نیمار نے گیند کو سلائڈ کرکے گول میں پہنچا دیا۔ 88 ویں منٹ میں برازیل کا دوسرا گول ہوگیا۔

ایک نظر اس پر بھی

جرمن ڈفینڈر ڈيالو نے پی ایس جی کے ساتھ کیا 5 سال کا معاہدہ

فرانس لیگ کی چیمپئن پیرس سینٹ جرمین نے فرینچ ڈیفنڈربنڈیس ليگا ابڈو ڈيالو سے پانچ سال کے لیے معاہدہ کیا ہے اور وہ کلب کے ساتھ اب 30 جون 2024 تک وابستہ رہیں گے۔ڈیالو کو اس معاہدہ کے تحت کلب 29 ملین پاؤنڈس دے گا جو ہندوستانی کرنسی کے حساب سے 2478112878 روپے ہوں گے۔

 ورلڈ کپ پا کر انگلینڈ جھوم اُٹھا مگر فتح کے فارمولہ پر تنقیدیں ، آئی سی سی کو متنازع ضابطے پر نظرثانی کا مشورہ دیا 

اتوار کو اعصاب شکن میچ میں انگلینڈ کی فتح سے جہاں پورا برطانیہ جھوم اٹھا ہے اور ملک بھر میں جشن کا ماحول ہے وہیں انٹر ننشنل کرکٹ کونسل (آئی سی سی ) کا وہ ضابطہ تنقیدوں کی زد پر آگیا ہے جس کی وجہ سے میچ اور بعد میں سُوپر اوور کے بھی ٹائی ہونے کے باوجودانگلینڈ کو فاتح قرار دیا گیا۔ ...

ورلڈ کپ کرکٹ ٹورنامنٹ کا فائنل بے حد دلچسپ؛ ٹائی ہونے کے بعد سوپر اوور میں بھی اسکور برابر؛ باونڈریس زائد ہونے پر انگلینڈ پہلی مرتبہ بنا ورلڈ چیمپئن

لندن کے لارڈس میدان میں منعقد ورلڈ کپ 2019 کرکٹ ٹورنامنٹ کا فائنل میچ ڈرامائی انداز میں ٹائی ہونے کے بعد  انگلینڈ  نے سوپر اوور کے بعد نیوزی لینڈ کو سنسنی خیز مقابلے   میں شکست دے دی اور پہلی بار عالمی کپ جیتنے میں کامیاب ہوگئی۔ فائنل مقابلہ اتنا دلچسپ اور کانٹے کا رہا کہ  ...