بی جے پی کو ستا رہا ہے انتخابات میں شکست کا خوف: اکھلیش یادو

Source: S.O. News Service | By Shahid Mukhtesar | Published on 13th September 2018, 12:34 PM | ملکی خبریں |

لکھنؤ ،13؍ ستمبر (ایس او نیوز؍آئی این ایس انڈیا) گورکھپور کے دین دیال اپادھیائے یونیورسٹی میں طلبہ یونین کے انتخابات ملتوی ہونے کے ایک دن بعد سماجوادی پارٹی نے آج کہا کہ ایسا لگتا ہے کہ بی جے پی کو لوک سبھا ضمنی انتخاب کی ہی طرح انتخابات میں شکست کا خوف ستارہا ہے۔

ایس پی سربراہ اکھلیش یادو نے یہاں نامہ نگاروں سے کہا کہ ایسا لگتا ہے کہ گورکھپور لوک سبھا ضمنی انتخاب میں شکست کا مزہ چکھنے کے بعد کچھ لوگوں کو طلبہ یونین انتخابات میں بھی شکست کا خوف ستارہا ہے۔ انتخابات سے پہلے ہی شکست قبول کرنے کا یہ جیتا جاگتا ثبوت ہے۔ طلبا کے جمہوری حقوق کو چھیننا غیر جمہوری ہے۔طلبا یونین انتخابات 13 ستمبر کو ہونے تھے لیکن دو حریف دھڑوں کے درمیان جھڑپوں کے بعد انتخابات ملتوی کر دیئے گئے۔ واقعہ اس وقت پیش آیا جب منگل کو طلبہ یونین صدر کے عہدے کے امیدوار رنجیت سنگھ متعلقہ سیکشن کے قریب پہنچے اور وہاں دیواروں پر پوسٹر لگانے کی کوشش کی۔ یونین کو اکھل بھارتیہ ودیارتھی پریشد کی حمایت حاصل ہے۔کچھ ہی دیر میں ایک اور امیدوار انل دوبے موقع پر حامیوں کے ساتھ پہنچے اور پھر دونوں دھڑوں میں تصادم ہو گیا۔ 

ایک نظر اس پر بھی

کانگریس نے وزارت داخلہ سے سدھو کے لئے سی آئی ایس ایف کی سیکوریٹی مانگی

کانگریس نے پنجاب حکومت کے وزیر اور اسمبلی انتخابات میں پارٹی کے اسٹار پرچارک کا کردار ادا کر رہے نوجوت سنگھ سدھو پر ’’خطرات ‘‘کے پیش نظر وزارت داخلہ کی طرف سے ان کے لیے پورے ملک میں مرکزی صنعتی سیکورٹی فورس (سی آئی ایس ایف) کی سیکوریٹی فراہم کئے جانے کی اپیل کی ہے۔ پارٹی کے ...

لالو کی صحت انتہائی خراب، اٹھ بیٹھ پر بھی قادر نہیں : ریکھا دیوی 

چارہ گھوٹالے میں 14 سال قید کی سزا کاٹ رہے آر جے ڈی صدر لالو پرساد یادو کی صحت ان دنوں بہتر نہیں ہے اور وہ گزشتہ کچھ وقت سے رانچی کے ہسپتال میں داخل ہیں۔ ان سے ملنے گئیں آر جے ڈی کی ایک رکن اسمبلی نے لالو کی صحت کو لے کر جو بتایا ہے، وہ ان کے حامیوں کو فکر مند کرنے والا ہے۔ آر جے ڈی ...

عدلیہ کے مطابق میہول چوکسی صحتمند نہیں ، تین ماہ تک ہندوستان آنے کی امید نہیں 

پی این بی فراڈ کے اہم ملزم میہول ’بھائی ‘ چوکسی نے بھارت نہ لوٹنے کا نیا بہانا بنایا ہے۔ انہوں نے کہا ہے کہ وہ تین ماہ تک بھارت نہیں آ سکتے ہیں۔ ان کے وکیل نے ممبئی کی ایک عدالت کو بتایا کہ چوکسی سفر کرنے کے لئے مکمل طور پر صحت مند نہیں ہیں۔ دراصل ED نے کورٹ سے چوکسی کو ’مفرور ...

گجرات: شراب پیتے پکڑے گئے تحصیل دار، ہسپتال میں صفائی کی ملی’ سزا‘

گجرات کے بناس کانٹھا میں ڈپٹی تحصیل دارشراب پیتے پکڑے گئے،سزا کے طور پرانہیں ہسپتال میں ایک ماہ کی صفائی کی سزاسنائی گئی ہے۔ڈپٹی تحصیل دار نے صفائی کا کام بھی شروع کر دیا ہے۔دراصل ڈیسا کے سابق ڈپٹی تحصیلدار کیرتی بھائی مکوانا اور ان کے دو ساتھیوں کو 2009میں ڈیسا کے ایک گیسٹ ہاؤس ...

ایودھیا کا ماحول گرم کرنے کی کوششیں ، 10 ہزار نوجوانوں ترشول تقسیم ، ضرورت پڑنے مزید ترشول کی ہوگی تقسیم : دیویندر مشرا 

رام مندر تعمیر کے لیے آر ایس ایس سے منسلک تنظیموں نے بڑے پیمانے پر تیاری شروع کر دی ہے۔ اس کے تحت وی ایچ پی کی یوتھ وِنگ یعنی بجرنگ دل نے نئے سرے سے ترشول چلانے کی تربیت دینی شروع کر دی ہے۔ایودھیا میں متنازعہ زمین کا معاملہ بھلے ہی سپریم کورٹ میں زیر التوا ہے، لیکن آر ایس ایس ...

کانگریس نے گوکے گورنر سے اسمبلی کا خصوصی سیشن بلانے کی مانگ کی

کانگریس نے گواکے گورنرسے اسمبلی کا خصوصی اجلاس کو بلانے کی مانگ کی ہے تاکہ بی جے پی کی قیادت والی حکومت اکثریت کرسکے۔کانگریس کا دعوی ہے کہ صحت وجوہات کی وجہ سے وزیر اعلی منوہرپاریکر کی غیر موجودگی کی وجہ سے ریاستی حکومت نے اکثریت کھودی ہے۔یہاں صحافیوں سے بات کرتے ہوئے کانگریس ...