پتور 12؍ستمبر(ایس او نیوز) ایک وحشتناک واقعے میں ذہنی طور پر غیر متوازن باپ نے پہلے اپنے بیٹے کو چھرا گھونپ کر زخمی کردیا پھر اس کے بعد خود اپنا عضو تناسل اور گردن کاٹ کر خود کشی کرلی۔

موصولہ رپورٹ کے مطابق یہ واقعہ پتور آلنکار نامی علاقے میں پیش آیا جہاں راجوپجاری (45سال) نے پہلے اپنے بیٹے رتن (20سال)کے ساتھ زبانی جھگڑا شروع کیا۔ پھر مشتعل ہوکر اس نے رتن کو چاقو گھونپ دیا۔ زخمی بیٹے کو گھر والوں نے فوری طور پر پتور کے اسپتال میں منتقل کیا۔ تو دوسری طرف راجو نے راجوپجاری نے چاقو سے پہلے اپنا عضو تناسل کاٹ ڈالا پھر اپنا گلا کاٹ لیاجس کی وجہ سے اس کی موت واقع ہوگئی۔کڈبا پولیس اسٹیشن میں کیس درج کرلینے کے بعد راجو کی لاش کو پوسٹ مارٹم کے لئے ڈیرلکٹا سرکاری اسپتال میں منتقل کیا گیا۔ 

بتایا جاتا ہے کہ ابھی حال ہی میں راجو کا ذہنی توازن بگڑ گیا تھا۔شاید بروقت اور مناسب علاج نہ ہونا اس طرح کی المناک واردات کا سبب بن گیا۔