سرسی میں بس اور کار کی خطرناک ٹکر؛ کار پر سوار باپ اور بیٹا دونوں چل بسے؛ کار کے پرخچے اُڑ گئے
سرسی 14/مارچ (ایس او نیوز) تعلقہ کے گڈاماون کٹے میں ہوئی کار اور بس کی ٹکر میں باپ اور بیٹا دونوں جاں بحق ہوگئے جن کی شناخت سوبو بھدرا گوڈا (32) اور چراغ (4) کی حیثیت سے کی گئی ہے جو سرسی کے چلیگڈے کے رہنے والے تھے۔ حادثہ بدھ کی صبح پیش آیا۔
ذرائع سے ملی اطلاع کے مطابق باپ اور اس کا چار سالہ بیٹا کارپر سوار سرسی سے سداپور جارہے تھے کہ مخالف سمت سے آرہی سرکاری بس نے کار کو ٹکر مارتے ہوئے کار کے پرخچے اُڑادئے۔ حادثے میں باپ اور بیٹے کی موقع پر ہی موت واقع ہوگئی۔
کار کو ٹکر مارنے کے بعد بس بے قابو ہوکر قریبی کھائی میں اُترگئی۔ البتہ اس بات کا پتہ نہیں چل پایا کہ بس پر کتنے لوگ سوار تھے اور بس پر سوار کتنے لوگ حادثے میں زخمی ہوئے ہیں۔
حادثے کی اطلاع ملتے ہی سرسی پولس موقع پر پہنچی اور چھان بین شروع کردی۔