فاروق عبداللہ، کنہالی کٹی نے لوک سبھا رکن کے طور پر حلف لیا

Source: S.O. News Service | By Sheikh Zabih | Published on 17th July 2017, 9:53 PM | ملکی خبریں |

نئی دہلی،17؍جولائی (ایس ا ونیوز/آئی این ایس انڈیا )نیشنل کانفرنس کے رہنما اور جموں و کشمیر کے سابق وزیر اعلی فاروق عبداللہ اور انڈین یونین مسلم لیگ کے لیڈر پی کے کنہال کٹی نے پیر کو لوک سبھا رکن کے طور پر حلف لیا۔لوک سبھا کی کارروائی شروع ہونے کے فورا بعد عبداللہ نے حلف لیا۔انہوں نے کشمیری زبان میں حلف لیا،بعد میں وزیر اعظم نریندر مودی اور دیگر رہنماؤں نے انہیں مبارک باد دی۔عبداللہ نے سرینگر-بڈگام پارلیمانی حلقہ سے ضمنی انتخابات جیتا تھا، جس میں انہوں نے پیپلز ڈیموکریٹک پارٹی (پی ڈی پی)کے اپنے مخالف نذیر احمد کو 10000سے زیادہ ووٹوں سے شکست دی تھی۔عبد اللہ 2014میں پی ڈی پی لیڈر طارق کرا سے ہار گئے تھے، جو ابھی کانگریس میں ہیں،کرا کے پی ڈی پی سے استعفی دینے کے بعد سری نگر سیٹ خالی ہو گئی تھی۔کیرالہ کے ملاپورم لوک سبھا حلقہ سے ضمنی انتخابات جیتنے والے کنہالی کٹی نے انگریزی میں حلف لیا۔انہوں نے مارکسی کمیونسٹ پارٹی (سی پی ایم) کے امیدوار اور نوجوان لیڈر ایم بی فیصل کو شکست دی تھی۔ممبر پارلیمنٹ اور انڈین یونین مسلم لیگ کے لیڈر ای احمد کے انتقال کی وجہ سے یہ سیٹ خالی ہو گئی تھی۔
 

ایک نظر اس پر بھی

لو جہاد ملک کے لئے بڑا خطرہ: وی ایچ پی 

اپنے متانازعہ بیان سے مشہور وشو ہندو پریشد نے آج پھر لوجہاد کا شوشہ چھوڑتے ہوئے کہا کہ لو جہاد ملک کی سلامتی کے سامنے بڑا خطرہ ہے اور سیکولر برادری کو جہادیوں کے اس غلط کارروائیوں پر پردہ نہیں ڈالنا چاہئے۔

سی ایم شیوراج کا اعلان، مدھیہ پردیش میں نہیں دکھائی جائے گی ’پدماوتی‘فلم

سنجے لیلا بھنسالی کی فلم ’پدماوتی‘ کی ریلیز ڈیٹ اگرچہ ٹل گئی ہو لیکن اس فلم کے ساتھ تنازعہ ختم ہونے کا نام نہیں لے رہاہے اب وزیر اعلیٰ شیوراج سنگھ نے اعلان کیا ہے کہ مدھیہ پردیش میں ’پدماوتی‘فلم نہیں دکھائی جائے گی۔

بی جے پی سورج پال امّوکو بھیجا وجہ بتاؤ نوٹس، دیپکا اور بھنسالی کا سر قلم کرنے پر کیا تھا 10کروڑ کا اعلان

بی جے پی نے ہریانہ بی جے پی کے چیف میڈیا کوآرڈنیٹر کنور سورج پال امو کو وجہ بتاو نوٹس جاری کیا ہے۔امّو نے دیپکا پادکون اور سنجے لیلا بھنسالی کا سر کاٹ کر لانے والے کو دس کروڑ کا انعام دینے کا اعلان کیا تھا۔