جملوں کے بادشاہ کی کسان ریلی ناکام رہی: کانگریس

Source: S.O. News Service | By Shahid Mukhtesar | Published on 12th July 2018, 12:00 PM | ملکی خبریں |

نئی دہلی،12؍جولائی (ایس او نیوز؍ایجنسی)  کانگریس نے وزیراعظم نریندر مودی کو ’جملوں کا بادشاہ‘ قرار دیتے ہوئے بدھ کو الزام لگایا کہ وہ مسلسل چار برس سے ملک کے کسانوں کو گمراہ کررہے ہیں اس لئے پنجاب میں ان کی کسان ریلی پوری طرح ناکام رہی۔

کانگریس کی ترجمان پرینکا چترویدی نے یہاں پارٹی کی باقاعدہ پریس بریفنگ میں کہاکہ ’جملوں کے بادشاہ‘ مسٹر مودی جو بولتے ہیں وہ کرتے نہیں ہیں۔ ان کے کرنے اور کہنے میں زمین آسمان کا فرق ہے اور ملک کا کسان اسے سمجھ گیا ہے اس لئے پنجاب میں مکتسر کے ملوٹ میں بدھ کو منعقدہ انکی کسان کلیان ریلی میں کسان نہیں آئے اور صرف بھاڑے کی بھیڑ سے ہی وزیراعظم نے خطاب کیا۔

انہوں نے کہاکہ مسٹر مودی جھوٹ بولتے ہیں اور ان کے جھوٹے جملے ملک ہی نہیں پوری دنیا میں مشہور ہوچکے ہیں۔ سب جانتے ہیں کہ مسٹر مودی جو بولتے ہیں اسے نافذ نہیں کرتے ہیں۔ اقتدار میں آنے کے بعد سے ہی وہ کسانوں کو جھانسا دے رہے ہیں اور ملک کے ہر کونے کا کسان انکی اصلیت کو سمجھ چکا ہے اس لئے اب ان کے جملوں میں آکر گمراہ نہیں ہوتا ہے۔

ترجمان نے مسٹر مودی کو ترقی پسند اتحاد کے وقت کی اسکیموں کو ’کاپی پیسٹ‘ کرنے اور ان کی مارکٹنگ کرنے کا الزام لگاتے ہوئے کہاکہ جو اسکیمیں کانگریس کی قیادت والی حکومت نے شروع کیں مودی حکومت انہیں آج اپنا بتا رہی ہے۔

مسٹر چترویدی نے کہاکہ حکومت دعوی کررہی ہے کہ اس نے زمین ہیلتھ کارڈ یوجنا شروع کی ہے جبکہ کانگریس کی قیادت والی یو پی اے حکومت نے اسے 2009میں شروع کردیا تھا اور 2012تک کانگریس حکومت پانچ کروڑ کارڈ دے چکی تھی۔ اسی طرح 1141زمین جانچ مرکز قائم کرنے کا دعوی کیا جارہا ہے جبکہ اصلیت یہ ہے کہ وہ معلومات دینے والے مراکز کو جانچ مرکز بتا رہی ہے۔

ترجمان نے کہاکہ کانگریس نے ہمیشہ کسانوں کی آواز بن کر کام کیا ہے۔پارلیمنٹ سے لیکر سڑک تک کانگریس کسانوں کے ساتھ ہے اور پارٹی کے صدر راہل گاندھی مسلسل کسانوں کی لڑائی لڑرہے ہیں۔

انہوں نے کہاکہ مودی حکومت نے کسانوں کو لاگت کی ڈیڑھ گنا کم ازکم سہارا قیمت دینے کا دعوی کیا تھا لیکن چار برس تک اس سمت میں کوئی قدم نہیں اٹھایا گیا۔ انہوں نے کہاکہ دھان پر کسانوں کو جو کم از کم سہارا قیمت دی گئی ہے وہ زرعی لاگت اور قیمت کمیشن (سی سی پی) کی 2018-19کی رپورٹ کے حساب سے کسانوں کے دھان کی قیمت میں صرف پندرہ فیصد کا اضافہ ہوا ہے۔

ایک نظر اس پر بھی

پارلیمانی انتخابات سے قبل مسلم سیاسی جماعتوں کا وجود؛ کیا ان جماعتوں سے مسلمانوں کا بھلا ہوگا ؟

لوک سبھا انتخابات یا اسمبلی انتخابات قریب آتے ہی مسلم سیاسی پارٹیاں منظرعام  پرآجاتی ہیں، لیکن انتخابات کےعین وقت پروہ منظرعام سےغائب ہوجاتی ہیں یا پھران کا اپنا سیاسی مطلب حل ہوجاتا ہے۔ اورجو پارٹیاں الیکشن میں حصہ لیتی ہیں ایک دو پارٹیوں کو چھوڑکرکوئی بھی اپنے وجود کو ...

بھیم آرمی کے سربراہ کی مولانا ارشد مدنی سے خصوصی ملاقات؛ ریاستی سیاست میں ہلچل

جیل سے رہائی کے بعد بھیم آرمی سربراہ چندر شیکھر آزاد نے دیوبند پہنچ جمعیۃ علماء ہند کے صدر مولانا سید ارشد مدنی سے ان کی رہائش گاہ پر ملاقات کی ۔اس ملاقات کے بعد میڈیا سے صرف یہ کہا کہ دبے کچلے طبقات کو ایک ساتھ لانا اور انہیں متحد کرنا ان کا مقصد ہے اور اسی کے تحت وہ یہاں آئے ...