راجستھان میں کسانوں کاچکہ جام،13دنوں سے کئی علاقے ٹھپ

Source: S.O. News Service | By Shahid Mukhtesar | Published on 13th September 2017, 9:41 PM | ملکی خبریں |

جے پور،13؍ستمبر(ایس او نیوز؍آئی این ایس انڈیا)راجستھان میں کسان تحریک کی وجہ سے پوراشیخاوٹی گزشتہ 13دنوں سے ٹھپ پڑا ہے۔شیخاوٹی کے سیکر، جھنجھنو اور چورو اضلاع کے کسانوں نے پورے علاقے میں چکہ جام کررکھاہے۔جب کسانوں کی تحریک کی وجہ سے حالات بے قابو ہونے لگے تو12ویں دن جا کر راجستھان حکومت جاگی اور کسانوں کے وفد کو مذاکرات کے لئے جے پور بلایا لیکن کسانوں کے قرض معافی کے مطالبہ کے معاملے پر سمجھوتہ نہیں ہو پایا۔

دراصل راجستھال کے شیخاوٹی کے کسانوں نے گزشتہ 13دنوں سے اپنے مطالبات کو لے کرتحریک کررہے ہیں۔ان کا مطالبہ ہے کہ کسانوں کے سرکاری اور کوآپریٹو بینکوں کے قرض معاف کئے جائیں، کسانوں کو لے کر بنی سوامیناتھن کمیشن کی سفارشات کو لاگو کیا جائے اور حالیہ دنوں میں جو جانوروں فروخت کے لئے قانون بنائے گئے ہیں ان میں ترمیم کی جائے۔کسانوں کی تنظیموں کا کہنا ہے کہ وہ ایک طویل تحریک کے لئے تیار ہیں اور اگر حکومت ان کے مطالبات کو قبول نہیں کرتی تو پھر وہ یہاں بیٹھ جائیں گے۔

کسانوں کے لئے راشن پانی گاؤں کے لوگوں جمع کررہے ہیں اور گاؤں گاؤں میں ان کے لئے کھاناپانی ٹریکٹر میں بھرکرلایاجارہاہے۔خواتین بھی رقص اورگیت کے ذریعہ اپنے مطالبات رکھ رہی ہیں۔راجستھان حکومت کا دعوی ہے کہ حکومت نے منگل کی میٹنگ میں 80فیصد مطالبات پر اتفاق کیا لیکن قرض معافی کے معاملے پر بحث نہیں کی گئی۔بدھ کو کسانوں کے نمائندوں کا ایک وفد راجستھانی حکومت کے وزراء کے ساتھ دوبارہ میٹنگ کی۔

اس درمیان شر ی گنگانگر اور بیکانیرسے بھی کسانوں کی تحریک کی خبریں آرہی ہیں، جس کے باعث راجستھانی حکومت کی پریشانی بڑھ سکتی ہے،لاکھوں کی تعداد میں کسانوں نے اس تحریک کو سی پی ایم کے سابق ایم ایل اے امرارام کی قیادت میں اس تحریک میں شامل ہوگئے ہیں،سیکرقصبہ توپوری طرح بندہے،کسانوں نے سیکر کی طرف جانے والے تمام ہائی ویز کو روک دیا ہے، جس سے دودھ اور ادویات کی ضروری اشیاء کی کمی شروع ہوگئی ہے۔

کسانوں کی بڑی تعداد کودیکھتے ہوئے بڑی تعداد میں پولیس فورسز تعینات کیے گئے ہیں،چاروں طرف ہزاروں کی تعدادمیں پولیس اہلکار تعینات ہیں مگرکسی طرح کاٹکراؤ نہ اس لئے حکومت نے پولیس کو کسانوں سے دور رکھا ہے۔
 

ایک نظر اس پر بھی

اروندر سنگھ لولی کی کانگریس میں واپسی، بی جے پی میں نظریاتی طور پر ’’بے میل ‘‘تھا :اروندسنگھ لولی

دہلی کانگریس کے سابق صدر اروندرسنگھ لولی کی آج کانگریس میں’’ گھر واپسی‘‘ ہو گئی۔ کچھ ماہ قبل پارٹی چھوڑ کر بی جے پی میں شامل ہوئے لولی نے کہا کہ وہ نے کہا کہ وہاں وہ ’’ نظریاتی طور پر بے میل ‘‘ تھے۔

گورکھپوراورپھول پور لوک سبھا ضمنی الیکشن کے لیے کانگریس نے امیدواروں کے نام کااعلان کیا

کانگریس نے گورکھپور اور پھول پورلوک سبھا سیٹوں پر ضمنی انتخابات کے لیے اپنے امیدواروں کااعلان کر دیاہے۔اتر پردیش کانگریس کے ترجمان وریندر مدان نے بتایا کہ پارٹی نے ڈاکٹر سرہیتا کریم کو گورکھپور اور منیش مشرا کو پھول پور لوک سبھاسیٹ پر ضمنی انتخاب کے لیے امیدواربنایاہے۔

تری پورہ اسمبلی الیکشن کے لئے تمام تیاریاں مکمل؛کل ہوگی ووٹنگ

تری پورہ میں اسمبلی کے انتخابات کے لیے تمام تیاریاں مکمل ہو چکی ہیں۔جمعہ کو انتخابی مہم ختم ہونے کے بعد،اتوار کے روز سب کی نگاہیں اب ووٹنگ پرہیں۔دراصل، تری پورہ میں کل یعنی اتوار کو انتخابات ہونے ہیں اور بھارتیہ جنتا پارٹی ان انتخابات میں حکمران بائیں محاذ کے سامنے اہم ...