بھٹکل 2/جون (ایس او نیوز)  بھٹکل کے کافی پرانے مگر مشہور ومعروف ڈاکٹر گونسالویز بنگلور میں دل کا دورہ پڑنے سے انتقال کرگئے ان کی عمر 75 سال تھی۔

بھٹکل میں پہلا نرسنگ ہوم قائم کرنے کا شرف پانے والے ڈاکٹر گونسالویز کا پورا نام ڈاکٹر پیٹر گونسالویز تھا، انہوں نے ماتھا نرسنگ ہوم کے نام سے  قریب 43 سال قبل  بھٹکل کے عیدگاہ کے قریب اپنا اسپتال کھولا تھا، جہاں آج  بھی یہ اسپتال قائم ہے۔

بھٹکل کے آس پاس کہیں پر بھی کوئی نرسنگ ہوم نہ ہونے کے وجہ سے آمیر تو آمیر  درمیانی  درجے اور غریب لوگ  بھی اسی اسپتال کا رُخ کرتے تھے ۔ بتایا گیا ہے کہ انہوں نے اپنی ڈاکٹری کی تعلیم مکمل کرتے ہی بھٹکل میں نرسنگ ہوم قائم کیا تھا، جہاں  بچوں کی ڈیلیوری کے لئے ان کے ساتھ ان کی اہلیہ بھی  اپنی خدمات انجام دیتی تھی۔

بتایا گیا ہے کہ ان کی تینوں بیٹیاں بھی ڈاکٹر ہیں اور وہ بنگلور میں مقیم ہیں۔ ان کو تین بیٹے بھی ہیں۔

ان کے انتقال پر بھٹکل کے کئی ایک اداروں نے نہایت غم کا اظہار کرتے ہوئے گھروالوں کے ساتھ تعزیت کی ہے۔ بھٹکل آئی ایم اے کی جانب سے صدر ڈاکٹر آر وی صراف کی صدارت میں آج  ایک تعزیتی جلسہ بھی منعقد کیا گیا ہے جس میں ان کی خدمات کا اعتراف کرتے ہوئے اُنہیں خراج عقیدت پیش کیا گیا اور گھروالوں کے ساتھ تعزیت کی گئی۔

بھٹکل کا قومی سماجی ادارہ مجلس اصلاح و تنظیم کے جنرل سکریٹری محی الدین الطاف کھروری نے بھی اس موقع پراپنے  گہرے دُکھ کا اظہار کرتے ہوئے گھروالوں کے ساتھ تعزیت کی ہے۔